England:khalistani Stopped Indian Ambassador خالصتانی حامیوں نے برطانیہ میں بھارتی ہائی کمشنر کواسکاٹ لینڈ کے گردوارہ میں داخل ہونے سے روک دیا

کینیڈا بھارت تنازعہ اب برطانیہ پہنچ گیا ہے۔ یہاں بھی بھارتی سفارتکاروں کو خالصتان حامیوں کی جانب سے پریشان کیا جارہا ہے۔ ایک میڈیا رپورٹ کے مطابق برطانیہ میں بھارت کے ہائی کمشنر وکرم دوری سوامی کو جمعہ کو اسکاٹ لینڈ کے ایک گرودوارہ میں داخل ہونے سے روک دیا گیا۔ اس معاملے کو بھارت نے برطانوی دفتر خارجہ میں اٹھایا ہے۔ Glasgow:Khalistani supporters of England angry with Najjar's murder

لندن:کینیڈا کے بعد اب برطانیہ میں بھی خالصتان حامی ، بھارتی سفارتکاروں کو پریشان کررہے ہیں۔ میڈیا رپورٹس کے مطابق کچھ خالصتان کے حامیوں نے جمعہ کے روز برطانیہ میں بھارت کے ہائی کمشنر وکرم دوری سوامی کو اسکاٹ لینڈ کے ایک گرودوارہ میں داخل ہونے سے روک دیا۔ یہ خبر ایک خالصتان حامی کے حوالے سے ایک میڈیا رپورٹ میں سامنے آئی ہے۔

خالصتانی حامی نے کہا کہ اسے معلوم ہوا کہ دورائی سوامی البرٹ ڈرائیو پر گلاسگو گرودوارہ کی گرودوارہ کمیٹی کے ساتھ میٹنگ کرنے والے ہیں۔ اس کے بعد انہوں نے ایک منصوبہ بنایا اور وہاں پہنچ گئے۔ اس نے دوری سوامی کو بتایا کہ انھیں گرودوارہ میں داخل ہونے کی اجازت نہیں ہے۔ جس کے بعد وہ وہاں سے چلے گئے۔ میڈیا رپورٹس کے مطابق خالصتان کے حامیوں اور بھارتی ہائی کمشنر وکرم دوری سوامی کے درمیان بحث بھی ہوئی ۔

میڈیا رپورٹس کے مطابق یہ واضح نہیں ہے کہ گرودوارہ کمیٹی کے لوگ اس واقعہ سے متفق ہیں یا نہیں۔ تاہم میڈیا میں شائع ہونے والے خالصتان کے حامیوں کے بیانات کے مطابق ان کا کہنا ہے کہ وہ ہردیپ سنگھ نجار کے قتل سے ناراض ہیں۔ اس کے ساتھ وہ بھارت اور برطانیہ حکومت کے درمیان مستحکم ہوتے تعلقات کو بھی پسند نہیں کررہے ہیں۔

سکھ یوتھ یوکے نے واقعے کی ویڈیو انسٹاگرام پر پوسٹ کی ہے۔ ویڈیو میں دکھایا گیا ہے کہ ایک کارکن گرودوارہ کمیٹی کے ممبر کے ساتھ بحث کررہا ہے اور پھر کمیٹی کا آدمی کارکن کا فون چھیننے کی ناکام کوشش کرتا ہے ۔ اس کے بعد ویڈیو میں دکھایا گیا ہے کہ دو کارکن پارکنگ میں ہائی کمشنر کی گاڑی کے پاس جاتے ہیں اوراندر سے بند گاڑی کا دروازہ کھولنے کی کوشش کرتے ہیں ۔ گوردوارہ کمیٹی کے ارکان اس پورے واقعہ میں مداخلت کرتے نظر نہیں آتے۔

ذرائع نے یہ اطلاع دی ہے کہ برطانیہ میں بھارتی ہائی کمشنر وکرم دوری سوامی کو گلاسگو گرودوارے میں داخل ہونے سے روکے جانے کا معاملہ بھارت نے برطانوی دفتر خارجہ میں اٹھایا ہے۔