Imran Khan in Jail سائفر کیس میں عمران خان کی عدالتی تحویل میں مزید چودہ روز کی توسیع کر دی گئی

پاکستان کے سابق وزیر اعظم عمران خان کی جلد رہائی کے امکانات ایک بار پھر ختم ہوگئے ہیں۔ انھیں مزید چودہ دن جیل میں رہنا پڑے گا۔ پی ٹی آئی کے سربراہ کی جوڈیشل ریمانڈ میں پاکستانی عدالت نے مزید 14 دن کی توسیع کردی ہے۔ سرکاری راز کی خلاف ورزی کا مقدمہ درج ہونے کے بعد خان کو گزشتہ ماہ گرفتار کیا گیا تھا ۔ judicial remand of former pakistan PM extended

اسلام آباد:پاکستان کی ایک خصوصی عدالت نے منگل کو سابق وزیراعظم عمران خان کی سائفر کیس میں عدالتی تحویل میں مزید 14 دن کی توسیع کر دی ہے۔ اب عمران خان کے جلد رہائی کے امکانات کم ہو گئے ہیں۔ عمران خان پاکستان تحریک انصاف (پی ٹی آئی) پارٹی کے سربراہ ہیں ۔عمران خان کو گزشتہ ماہ گرفتار کیا گیا تھا ۔ پچھلے سال مارچ میں عمران خان کے خلاف واشنگٹن میں ملکی سفارت خانے کی طرف سے بھیجی گئی کیبل ( سائفر) کو افشا کرکے آفیشل سیکرٹ ایکٹ کی مبینہ خلاف ورزی کرنے کا مقدمہ درج کیا گیا تھا۔

یہ تیسری بار ہے کہ خان کو ریمانڈ پر جیل بھیجا گیا ہے۔ گزشتہ 14 روزہ ریمانڈ آج ختم ہوئی۔ خصوصی عدالت کے جج ابوالحسنات ذوالقرنین نے ڈسٹرکٹ جیل اٹک میں سماعت کی ۔ خان کو توشہ خانہ کیس میں سزا سنائے جانے کے بعد ہوئی گرفتاری کے بعد 5 اگست سے ڈسٹرکٹ جیل اٹک میں رکھا گیا ہے۔

سماعت کے بعد عدالت نے انہیں تفتیش مکمل کرنے کے لیے 10 اکتوبر تک عدالتی تحویل میں رکھنے کا حکم دیا۔ عدالت نے سابق وزیر خارجہ شاہ محمود قریشی کے ریمانڈ میں بھی اسی مدت کی توسیع کردی۔ قریشی پر بھی اسی قانون کے تحت الزام لگایا گیا ہے۔ اگرچہ اسلام آباد ہائی کورٹ نے پیر کو حکام کو خان کو راولپنڈی کی اڈیالہ جیل منتقل کرنے کا حکم دیا تھا لیکن اس ہدایت پر عمل درآمد نہیں ہوا۔ اس سے قبل حکام نے سیکیورٹی خدشات کے پیش نظر کیس کی سماعت جیل میں کرنے کی اجازت دی تھی۔