کولوراڈو: امریکہ کے کولوراڈو میں ہم جنس پرست کمیونٹی کے کلب کے ارکان کو ایک حملہ آور کو پکڑنے پر ہیرو قرار دیا گیا ہے جس نے پانچ افراد کو ہلاک کر دیا تھا۔ اگر اس حملہ آور کو بروقت قابو نہ کیا جاتا تو صورتحال مزید خوفناک ہو سکتی تھی۔ یہ معلومات بی بی سی کی جانب سے جاری کردہ رپورٹ میں دی گئی ہیں۔ امریکی ریاست کولاراڈو میں ہم جنس پرست کمیونٹی کے کلب میں فائرنگ کے باعث پانچ افراد ہلاک اور 25 زخمی ہو گئے۔ Shooting at LGBTQ Nightclub in Colorado
بی بی سی کی خبر کے مطابق کولوراڈو اسپرنگس کے میئر جان سوتھرز نے کہا کہ ہفتے کی رات کلب کیو میں گولہ باری کے دوران ایک شخص نے بہادری سے حملہ آور کی بندوق پکڑی اور اس پر حملہ کیا۔ انہوں نے بتایا کہ اس حملے میں 5 افراد ہلاک اور 25 زخمی ہوئے۔ فائرنگ میں نامزد ملزم 22 سالہ اینڈرسن لی ایلڈرچ اب پولیس کی حراست میں ہے۔ انہوں نے بتایا کہ کلب میں افسوسناک واقعہ پیش آیا ہے۔ وہاں موجود بہادر لوگوں نے خود کو اور دوسروں کو موت کے منہ سے بچا یا۔
سوتھرز نے کہا کہ واقعہ کی تحقیقات جاری ہے اور یہ بھی معلوم کیا جا رہا ہے کہ حملہ آور نے کس وجہ سے کلب کے اندر گولی چلائی تھی اور اس جرم میں کتنے لوگ ملوث تھے۔ کولاراڈو سپرنگز میں کلب کیو کی جانب سے اپنے فیس بک پیج پر لکھا گیا کہ انھیں اپنی کمیونٹی پر ہونے والے ’بلاجواز حملے سے شدید دھچکا پہنچا ہے۔‘ امریکی صدر جو بائیڈن نے ایک بیان میں کہا ہے کہ امریکی باشندے ’نہ نفرت برداششت کریں گے، نہ انھیں کرنی چاہیے۔‘پولیس کی جانب سے ہلاک ہونے والوں کی شناخت ظاہر کرنے اور ان کی تعداد ظاہر کرنے کے حوالے سے وقت لیا جا رہا ہے۔