اسلام آباد: پاکستان میں عام انتخابات کی تاریخ کا اعلان کرنے کی مسلسل اپیلوں کے بعد الیکشن کمیشن آف پاکستان (ای سی پی) نے بالآخر جمعرات کو اعلان کیا کہ ملک میں عام انتخابات اگلے سال 11 فروری کو ہوں گے۔ پاکستانی میڈیا رپورٹ کے مطابق ملک بھر میں 90 دن میں انتخابات کا مطالبہ کرنے والی درخواستوں پر سپریم کورٹ میں آج سماعت ہوئی۔ اسی دوران الیکشن کمیشن کے وکیل نے سپریم کورٹ کے ساتھ عام انتخابات کی تاریخ کا اشتراک کیا۔
انتخابی ادارے کے وکیل سجیل سواتی نے کہا کہ انتخابی حلقوں کے حلقہ بندیوں کا عمل 29 جنوری تک مکمل کر لیا جائے گا جس سے انتخابات کی راہ ہموار ہوگی اور اس کے بعد ہم 11 فروری کو انتخابات کرا دیں گے۔ بعد ازاں چیف جسٹس قاضی فائز عیسیٰ نے الیکشن کمیشن کو ہدایت کی کہ وہ آج ہی اس معاملے پر صدر مملکت ڈاکٹر عارف علوی سے مشاورت کرے۔ واضح رہے کہ سپریم کورٹ نے قومی اسمبلی اور صوبائی اسمبلیوں کی تحلیل کے بعد 90 دنوں کے اندر انتخابات کرانے کا مطالبہ کرنے والی درخواستوں کی سماعت دوبارہ شروع کی ہے۔ یہ کیس سپریم کورٹ کے چیف جسٹس آف پاکستان قاضی فائز عیسیٰ، جسٹس اطہر من اللہ اور جسٹس امین الدین خان سماعت کر رہے ہیں۔