غزہ: شمالی غزہ کے آسمان میں ایک مرتبہ پھر اسرائیلی فوجی ڈرون اور لڑاکا طیارے منڈلا رہے ہیں۔ غزہ کی پٹی کے شمال میں خاص طور پر غزہ شہر کے شمال مغرب میں فائرنگ اور دھماکوں کی آوازیں سنی گئی ہیں۔ اسرائیلی فوج نے ایک بیان جاری کرتے ہوئے کہا کہ اس نے غزہ کی پٹی میں حماس کے خلاف لڑائی دوبارہ شروع کر دی ہے۔ اس میں کہا گیا ہے کہ حماس نے اسرائیل کی حدود میں فائرنگ کرکے جنگ بندی کی خلاف ورزی کی ہے۔
حماس کے زیر انتظام علاقے میں وزارت داخلہ نے بتایا کہ جمعہ کو عارضی جنگ بندی کی مدت ختم ہونے کے بعد اسرائیلی جنگی طیاروں نے غزہ کی پٹی کے مختلف حصوں پر فضائی حملے کیے۔ وزارت نے بتایا کہ فضائی حملوں نے جنوبی غزہ کو نشانہ بنایا ہے، جس میں خان یونس قصبے کے مشرق میں اباسان کی کمیونٹی بھی شامل ہے۔ ایک اور حملہ غزہ شہر کے شمال مغرب میں ایک گھر پر ہوا ہے۔ غزہ کی پٹی کے علاقوں سے سیاہ دھواں اٹھتا دکھائی دے رہا ہے۔
24 نومبر سے 30 نومبر تک بین الاقوامی دباو اور ثالثی کے چلتے اسرائیل نے یرغمالیوں کی رہائی کی شرط پر عارضی جنگ بندی پر عمل کیا۔ جمعرات کو غزہ کی پٹی میں حماس کی قید سے 8 اسرائیلی یرغمالیوں کو عارضی جنگ بندی معاہدے کے ایک حصے کے طور پر رہا کیا گیا تھا اسرائیل نے جنگ بندی کے معاہدے کے تحت جمعہ کی صبح سویرے 30 فلسطینی قیدیوں کو رہا کیا ہے۔ فلسطینیوں کو لے کر بس جمعہ کی صبح رام اللہ شہر پہنچی۔ حماس کے سبز جھنڈے اٹھائے ہوئے درجنوں افراد نے قیدیوں کا استقبال کیا۔ واضح رہے جنگ بندی کے سات دنوں میں اسرائیل نے 240 فلسطینی قیدیوں کو رہا کیا ہے جبکہ حماس اب تک 105 یرغمالیوں کو رہا کر چکا ہے۔
یہ بھی پڑھیں:امریکہ جنوبی غزہ پر حملے کے حق میں
واضح رہے، اسرائیل نے اس سال 'سیلف ڈیفنس' کی آڑ میں انسانی حقوق کی خلاف ورزیوں کے تمام ریکارڈ توڑ دیے ہیں اور محصور غزہ میں ہزاروں بچوں اور خواتین سمیت ہزاروں شہریوں کو ہلاک کر دیا ہے۔ 7 اکتوبر کو حماس کے حملے میں اسرائیل کے 1200 شہری مارے گئے تھے۔ اس کے فوری بعد سرائیل نے غزہ پر بڑے پیمانے پر فضائی حملے شروع کیے جو کہ گنجان آباد علاقے میں خوراک، پانی، ایندھن اور ادویات کو روکنے کے بعد کئی ہفتوں تک جاری رہے۔ اسرائیلی فضائی حملوں اور اس کی زمینی افواج نے غزہ میں تقریباً 15,000 فلسطینیوں کو ہلاک کر دیا اور 160,000 کے قریب مکانات کو تباہ کر دیا ہے۔
An Israeli army tank manoeuvers along Israel's border with the Gaza Strip
