نیویارک: امریکہ کے وسط مدتی انتخابات میں بھارتی نژاد پہلی سکھ خاتون کے طور پر کیلیفورنیا اسمبلی کا انتخاب جیت کر جسمیت کور بینس Jasmeet Kaur Bains نے تاریخ رقم کر دی ہے۔ کرن کاؤنٹی میں جسمیت کور نے اپنی حریف لیٹیشیا پیریز کو شکست دی۔ کور نے 10,827 ووٹوں کے ساتھ 58.9 فیصد ووٹ حاصل کیے، جبکہ ان کے حریف پیریز کو 7,555 ووٹوں کے ساتھ 41.1 فیصد ووٹ ملے۔US Midterm Elections
جسمیت کور بیکرز فیلڈ ریکوری سروسز، ایک غیر منافع بخش ادارہ جو نشے میں مبتلا بالغوں کا علاج کرتا ہے، میں میڈیکل ڈائریکٹر ہیں، اپنی انتخابی مہم میں، جسمیت کور نے کہا تھا کہ وہ صحت کی دیکھ بھال، رہائش، پانی کے بنیادی ڈھانچے اور ہوا کے معیار کو ترجیح دیں گی۔ انہوں نے ایک پیغام میں لکھا، میں ابتدائی نتائج کے رجحان سے پرجوش ہوں اور میں کرن کاؤنٹی کے لوگوں کا ان کی حمایت کے لیے شکر گزار ہوں۔