آسٹریلیا اور فرانس میں منکی پوکس وائرس Monkeypox Virus Cases کے پہلے دو کیسز کا پتہ چلا ہے، جبکہ پیرو میں الرٹ جاری کر دیا گیا ہے۔ آسٹریلیائی ریاست نیو ساؤتھ ویلز میں جمعہ کو منکی پوکس وائرس کے پہلے ممکنہ معاملہ کا پتہ چلا ہے، جو آہستہ آہستہ پورے یورپ میں پھیل رہا ہے۔ فرانس میں بھی اس کا پہلا معاملہ سامنے آیا ہے جس کی اطلاع قومی نشریاتی ادارے بی ایف ایم ٹی وی نے دی۔
آسٹریلیا میں وائرس کی زد میں آئے شخص کی عمر تقریبا 40 سال ہے جو حال ہی میں یورپ سے واپس آیا ہے۔ جبکہ یہ فرانس میں ایلے ڈی فرانس علاقے میں اسے پائے جانے کی اطلاع ہے۔ یہ علاقہ دارالحکومت پیرس سے گھرا ہوا ہے۔ فرانس میں منکی پوکس کے مشتبہ کیس میں مریض کو 38 ڈگری سیلسیس سے زیادہ بخار ہے۔ عام طور پر افریقی براعظم میں پھیلنے والے اس وائرس کا اثر اب (مئی 2022) دنیا کے باقی حصوں میں بھی ہورہا ہے، خاص طور پر برطانیہ میں۔
نیو ساؤتھ ویلز کے چیف ہیلتھ آفیسر کیری چینٹ نے کہا کہ اس بیماری کے لوگوں میں آسانی سے پھیلنے کا امکان نہیں ہے۔ انہوں نے کہا، ’’متاثرہ شخص کے بہت قریب سے رابطے میں آنے سے وائرس کا شکار ہونے کا امکان ہے۔ اس میں مریض کو بہت ہلکا بخار ہوتا ہے اور زیادہ تر لوگ چند ہفتوں میں ٹھیک ہو جاتے ہیں۔ ملک میں منکی پوکس کے بارے میں آگاہی پھیلانے کے لیے تمام ڈاکٹروں اور طبی مراکز کو الرٹ کر دیا گیا ہے۔
اسی طرح آسٹریلوی ریاست وکٹوریہ میں حکام نے شہریوں سے بیرون ملک سے واپس آنے والے مسافروں میں اس بیماری کے بارے میں خبردار کیا ہے۔یونیورسٹی آف نیو ساؤتھ ویلز کے کربی انسٹی ٹیوٹ میں بائیو سیکیورٹی پروگرام کے سربراہ رینا میکانٹائر نے کہا کہ یہ بیماری اس وائرس سے بہت ملتی جلتی ہے جس سے چیچک کی بیماری ہوتی ہے۔ انہوں نے کہا، "یہ ریسپریٹری وائرس ہے، لیکن یہ انسانوں میں آسانی سے نہیں پھیلتا اور یہ تب ہی پھیلتا ہے جب آپ کسی متاثرہ شخص کے قریبی رابطے میں آتے ہیں۔ پچھلے مطالعات میں، رابطے میں آنے والوں میں انفیکشن کی شرح تقریباً تین فیصد تھی۔
یہ بھی پڑھیں: Monkeypox Virus Cases: برطانیہ میں منکی پوکس کے کیسز بڑھ سکتے ہیں، ڈبلیو ایچ او کا انتباہ
پروفیسر نے کہا کہ چیچک کی موجودہ ویکسین منکی پوکس کے خلاف موثر ثابت ہوگی اور اس کے ساتھ ہی انہوں نے حکومت سے اپیل کی کہ اس سے پہلے کہ یہ زیادہ پھیلے، ویکسین کی خاطرخواہ مقدار اکٹھا کرنا شروع کر دیں۔
منکی پوکس کے تاہم آہستہ آہستہ پھیلنے کے پیش نظر پیرو کے وزیر صحت جارج لوپیز پینا نے جمعہ سے غیر معینہ مدت کے لیے سینیٹری الرٹ کا اعلان کیا ہے۔ پینا نے ایک نیوز کانفرنس میں کہا، ’’ہم کل، 20 مئی سے موثر طریقے سے الرٹ کا اعلان کر رہے ہیں۔ ہمارے پاس ابھی تک کوئی تصدیق شدہ کیس نہیں ہے، لیکن ہم اس پر قابو پانے کی کوشش میں پہلے ہی الرٹ جاری کر رہے ہیں۔" (یو این آئی)
