پاکستان تحریک انصاف کے لانگ مارچ میں چیئرمین عمران خان کے کنٹینر کے قریب نامعلوم شخص نے فائرنگ کی ہے جس کے نتیجے میں عمران خان سمیت متعدد افراد کے زخمی ہونے کی اطلاعات ہیں۔ Firing in Imran Khan Long March پاکستانی میڈیا کے مطابق گوجوانوالہ میں عمران خان کا کنٹینر جوں ہی وزیر آباد پہنچا تو نامعلوم افراد کی جانب سے فائرنگ کی گئی جس کی زد میں آکر عمران خان، فیصل جاوید سمیت متعدد افراد زخمی ہوئے اور ایک شخص کے جاں بحق ہونے کی بھی اطلاعات ہیں جب کہ حملہ آور کو گرفتار کر لیا گیا ہے۔
عمران خان کی پارٹی پی ٹی آئی نے ٹویٹر پر ایک ویڈیو بھی شیئر کیا ہے جس میں صاف طور سے دیکھا جاسکتا ہے کہ عمران خان کے پیر میں گولی لگی ہے کیونکہ ان کے پیر میں پٹی بندھی ہوئی ہے۔ اور جب انھوں اسپتال لے جایا جارہا تھا تو انھوں نے اپنے سپورٹرز کا ہاتھ اٹھا کر شکریہ بھی ادا کیا۔
سامجی رابطوں کی ویب سائٹ ٹوئٹر پر اپنے پیغام میں فرخ حبیب نے کہا کہ بزدلوں نے اپنی اوقات دکھا دی ہے، عمران خان صاحب زخمی ہیں، اللہ تعالی ان کو محفوظ رکھے اور پوری قوم عمران خان کی زندگی کے لیے دعا کرے۔