Hate Speech in Indonesia انڈونیشیا کے سابق وزیر نفرت پھیلانے کے معاملہ میں مجرم قرار

انڈونیشیا کے سابق وزیر رائے سوریو کو سوشل میڈیا پر بدھ مت کے مجسمے کی ایڈیٹیڈ تصویر پوسٹ کرنے پر عدالت نے انھیں نفرت انگیز تقریر پھیلانے کا مجرم قرار دیتے ہوئے نو ماہ قید کی سزا سنائی ہے۔Hate Speech in Indonesia

جکارتہ: انڈونیشیا کی ایک عدالت نے سابق وزیر رائے سوریو کو اپنے سوشل میڈیا اکاؤنٹ کے ذریعے نفرت انگیز تصویر شیئر کرنے پر نو ماہ قید کی سزا سنائی ہے۔ ژنہوا نیوز ایجنسی کی رپورٹ کے مطابق سوریو پر اس وقت مقدمہ چلایا گیا جب انھوں نے بدھ مت کے مجسمے کی ایڈیٹیڈ تصویر پوسٹ کی جس میں صدر جوکو ویڈوڈو کے چہرے سے مشابہت کی گئی تھی۔ Hate Speech in Indonesia

سابق وزیر رائے سوریو کی اس پوسٹ سے ناراض بدھ مت کی ایک کمیونٹی نے احتجاج کیا اور مبینہ توہین مذہب کے الزام میں پولیس کو رپورٹ پیش کی، جس میں زیادہ سے زیادہ پانچ سال قید کی سزا ہے، لیکن عدالت نے اس کے بجائے سابق وزیر کو نفرت انگیز تقریر پھیلانے کا مجرم قرار دیا۔ سوریو نے بدھ برادری سے معافی مانگی ہے اور کہا ہے کہ انھوں نے تصویر کے ساتھ چھیڑ چھاڑ نہیں کی۔