Pakistan Power Cut پاکستان میں تمام گرڈ اسٹیشن سے بجلی کی فراہمی بحال، وزارت توانائی

پاکستان میں وزارت توانائی کے مطابق تمام گرڈ اسٹیشنوں کو درست کر دیا گیا ہے اور بجلی کی سپلائی بحال کر دی گئی ہے۔ power restored after breakdown in Pakistan

لاہور:پاکستان کے اندھیرے میں ڈوبنے کے 24 گھنٹے سے زیادہ وقت کے بعد، پاکستان کی توانائی کی وزارت نے منگل کو دعویٰ کیا کہ تمام گرڈ اسٹیشنوں کو درست کر دیا گیا ہے اور بجلی کی سپلائی بحال کر دی گئی ہے۔ یہ گرڈ اسٹیشن ایک روز قبل 'فریکوئنسی مسمیچ' کی وجہ سے بند ہوگئے تھے۔ وزارت نے ایک ٹیبل کے ذریعے یہ دکھاتے ہوئے کہا کہ بجلی کی سپلائی 6:25 بجے بحال ہوگئی، ٹویٹ میں کہا گیا ’’ملک کے تمام 1,112 گرڈ اسٹیشنوں کی بجلی سپلائی 24 گھنٹے کے اندربحال کر دی گئی۔ اگرچہ حکومت یہ دعویٰ کر رہی ہے کہ پاکستان بھر میں بجلی کی سپلائی بحال کر دی گئی ہے، لیکن پاکستان کے کچھ علاقے ایسے ہیں جہاں ابھی تک بجلی نہیں پہنچی ہے۔

میڈیا رپورٹس کے مطابق کراچی میں لوگوں نے شکایت کی کہ شہر میں سپلائی مکمل طور پر بحال نہیں ہوئی اور کئی علاقے تاحال بجلی سے محروم ہیں۔ دوسری جانب، کے-اسٹیشنزکے ایک ترجمان نے کہا کہ فی الحال شہر کے تمام گرڈ اسٹیشن کام کررہے ہیں اور مقامی سطح پر بھی بجلی فراہمی کی بحالی کا عمل جاری ہے۔ جیو نیوز کی رپورٹ کے مطابق، صبح 9:34 بجے اپنے پاور اپ ڈیٹ میں، کمپنی نے کہا کہ گزشتہ رات نیشنل گرڈ سے سپلائی بحال ہونے کے بعد میٹرو شہر میں صورتحال مزید بہتر ہوئی ہے۔ ہوائی اڈوں، اسپتالوں، واٹر پمپنگ اسٹیشنوں سمیت اہم تنصیبات کو بجلی کی فراہمی بحال کر دی گئی ہے۔

واضح رہے کہ گزشتہ روز پاکستان کا بڑا حصہ صبح سے ہی تاریکی میں ڈوبا ہوا تھا۔ پاکستان کی وزارت توانائی نے ایک بیان میں کہا ہے کہ صبح 7.34 بجے نیشنل گرڈ میں خرابی کی وجہ سے ملک بھر میں بجلی کی فراہمی معطل ہے۔ بجلی کی بندش سے میٹرو سروس بھی متاثر ہوئی ہے جس کے باعث مسافروں کو مشکلات کا سامنا ہے۔ واضح رہے کہ پاکستان پہلے ہی بجلی کی قلت اور طویل کٹوتیوں کا سامنا کر رہا ہے۔ بجلی بچانے کے لیے حکومت رات 8 بجے ہی بازار بند کروا رہی ہے۔

یو این آئی