Pakistan Cable Car Accident پندرہ گھنٹوں تک کیبل کار میں پھنسے رہنے والے تمام آٹھ افراد کا ریسکیو

صوبہ خیبر پختونخوا میں 1200 فٹ کی بلندی پر کیبل کار میں پھنسے تمام 8 افراد کو تقریبا پندرہ گھنٹوں بعد ریسکیو کر لیا گیا ہے۔ رپورٹ کے مطابق صوبہ کے ایک دور دراز پہاڑی علاقے کے لوگ وادی کو عبور کرنے کے لیے کیبل کار کا استعمال کر رہے تھے کہ اچانک سفر کے دوران ایک کیبل ٹوٹ گئی۔

اسلام آباد: پاکستان کے صوبہ خیبرپختونخوا میں آٹھ افراد 1200 فٹ کی بلندی پر کیبل کار میں پھنس گئے تھے۔ میڈیا رپورٹس کے مطابق پھنسے ہوئے افراد میں چھ طلبا اور دو اساتذہ شامل تھے۔ ان کو بچانے کے لیے پاک فوج نے پہلے ہیلی کاپٹر تعینات کیا تھا لیکن اس واپس بلا لیا گیا ہے، کیونکہ تیز ہوا کے دباؤ کی وجہ سے دوسری کیبل کے بھی ٹوٹنے کا خطرہ ہے، جس کی وجہ سے اب اسپیشل سروس گروپ (SSG) کو ریسکیو آپریشن کے لیے تعینات کیا گیا ہے۔

دراصل صوبہ خیبر پختونخواہ کے ایک دور دراز پہاڑی علاقے کے لوگ وادی کو عبور کرنے کے لیے کیبل کار کا استعمال کر رہے تھے کہ سفر کے دوران 1,200 فٹ (تقریباً 365 میٹر) کی بلندی پر ایک کیبل ٹوٹ گئی۔ رپورٹ کے مطابق یہ حادثہ مقامی وقت کے مطابق صبح 7 بجے کے قریب پیش آیا۔ پاکستان کی 1122 ریسکیو سروس کے ایک اہلکار ذوالفقار خان نے میڈیا کو بتایا کہ کیبل کار ایسی جگہ پھنسی ہوئی ہے جہاں ہیلی کاپٹر کے بغیر مدد کرنا تقریباً ناممکن ہے۔ کیبل حیرت انگیز پہاڑوں سے گھری گہری کھائی کے بیچ میں لٹکی ہوئی ہے۔

پاکستان کے نگراں وزیراعظم انوارالحق کاکڑ کا ٹویٹ

پاکستان کے نگراں وزیراعظم انوارالحق کاکڑ نے کیبل کار حادثے پر کو تشویشناک قرار دیتے ہوئے لکھا کہ میں نے ضلعی حکام سمیت تمام متعلقہ اداروں کو ہدایت کی ہے کہ وہ فوری طور پر کیبل کار میں پھنسے 8 افراد کو محفوظ ریسکیو اور انخلا کو یقینی بنائیں۔ میں نے حکام کو یہ بھی ہدایت کی ہے کہ وہ ایسی تمام نجی کیبل کاروں کا حفاظتی معائنہ کریں اور اس بات کو یقینی بنائیں کہ وہ چلانے اور استعمال کرنے کے لیے محفوظ ہیں۔