Earthquake in Afghanistan: افغانستان میں زلزلہ، ایک ہزار سے زائد افراد ہلاک

افغانستان میں زلزلے نے تباہی مچا دی ہے جس میں ایک ہزار سے زیادہ لوگوں کی موت ہوئی ہے۔ اس زلزلے کے جھٹکے پاکستان میں بھی محسوس کیے گئے۔ Earthquake in Afghanistan

کابل:افغانستان کے مشرقی حصے میں زلزلے کے شدید جھٹکوں سے ایک ہزار سے زیادہ افراد ہلاک ہوئے ہیں۔ راحت اور بچاؤ کا کام جاری ہے۔ پاکستان میں بھی زلزلے کے جھٹکے محسوس کیے گئے۔ معلومات کے مطابق ریختر اسکیل پر زلزلے کی شدت 6.1 درج کی گئی ہے۔ اس سے افغانستان میں تباہی مچ گئی ہے۔ صبح سویرے آنے والے زلزلے میں ایک ہزار سے زیادہ افراد کے ہلاک ہونے کی اطلاع ہے۔ خبر رساں ایجنسی روئٹرز کے مطابق ڈیزاسٹر مینجمنٹ حکام نے بتایا کہ ملک کے مشرقی حصے میں 6.1 شدت کے زلزلہ آیا تھا۔ Earthquake Kills Hundreds in Afghanistan

مقامی حکام نے بتایا ہے کہ ہلاکتوں کی تعداد ایک ہزار سے تجاوز کر سکتی ہے جب کہ 600 سے زائد افراد زخمی ہیں۔ زلزلہ جنوب مشرقی شہر خوست سے تقریباً 44 کلومیٹر (27 میل) کے فاصلے پر آیا۔ خبر رساں ادارے روئٹرز نے یورپی بحیرہ روم کے زلزلہ پیما مرکز کے حوالے سے بتایا کہ زلزلے کے جھٹکے 500 کلومیٹر دور پاکستان تک محسوس کیے گئے۔

زلزلے کب آتے ہیں؟دراصل زمین کے اندر 7 پلیٹیں ہیں جو مسلسل گردش کرتی ہیں۔ جن جگہوں پر یہ پلیٹیں زیادہ ٹکراتی ہیں انہیں فالٹ لائن زون کہا جاتا ہے۔ بار بار ٹکرانے کی وجہ سے پلیٹوں کے کونے مڑ جاتے ہیں۔ جب دباؤ زیادہ بننا شروع ہوتا ہے تو پلیٹیں ٹوٹنے لگتی ہیں۔ ان کے ٹوٹنے کی وجہ سے اندر کی توانائی باہر آنے کا راستہ تلاش کرتی ہے۔ اس خلل کے بعد زلزلہ آتا ہے۔