Jaishankar in Sri Lanka جے شنکر کی سری لنکا کے وزیر خارجہ اور صدر سے ملاقات

وزیر خارجہ ایس جے شنکر 18 سے 20 جنوری تک مالدیپ اور سری لنکا کے سرکاری دورے پر ہیں۔ مالدیپ کے بعد وزیر خارجہ ایس جے شنکر کولمبو پہنچے جہاں انھوں نے صدر رانیل وکرما سنگھے سے ملاقات کی اور کہا کہ بھارت، سری لنکا کے ساتھ کھڑا رہے گا۔

کولمبو: وزیر خارجہ ایس جے شنکر نے جمعرات کو کولمبو پہنچنے کے فوراً بعد اپنے سری لنکن ہم منصب علی صابری سے بات چیت کی۔ جے شنکر نے صدر رانیل وکرما سنگھے سے بھی ملاقات کی۔ وزیر خارجہ ایس جے شنکر نے صدر رانیل وکرما سنگھے سے ملاقات کے دوران کہا کہ بھارت، سری لنکا کے ساتھ کھڑا رہے گا۔ جے شنکر نے ایک ٹویٹ میں کہا کہ ہندوستان ایک قابل اعتماد پڑوسی ہے، ایک قابل اعتماد پارٹنر ہے، جو سری لنکا کی ضرورت محسوس کرنے پر اضافی میل تک جانے کے لیے تیار ہے۔ ہم ضرورت کی اس گھڑی میں سری لنکا کے ساتھ کھڑے ہوں گے اور پراعتماد ہیں کہ وہ ان چیلنجوں پر قابو پا لے گا جن کا اسے سامنا ہے۔ اس سے ظاہر ہوتا ہے کہ سری لنکا کے ساتھ ہندوستان کے دیرینہ مضبوط دو طرفہ تعلقات ہیں۔

جے شنکر کی سری لنکا کے وزیر خارجہ اور صدر سے ملاقات کی

واضح رہے کہ وزیر خارجہ ایس جے شنکر 18 سے 20 جنوری تک مالدیپ اور سری لنکا کے سرکاری دورے پر ہیں۔ اس سے پہلے جئے شنکر 18 جنوری کو مالدیپ پہنچے جو ان کا وزارت خارجہ کا عہدہ سنبھالنے کے بعد سے چوتھا دورہ تھا۔ وزیر خارجہ نے وزیر اعظم نریندر مودی کی قیادت اور صدر ابراہیم محمد صالح کی بھی ستائش کی اور کہا کہ دونوں ممالک نے حالیہ برسوں میں اپنی قیادت میں قابل ذکر ترقی دیکھی ہے۔اس دوران جے شنکر مالدیپ کی سماجی و اقتصادی ترقی میں تعاون کرنے والے دو طرفہ ترقیاتی تعاون سے متعلق پروگراموں میں بھی شامل ہوئے۔ انھوں نے دونوں ممالک کے درمیان کئی اہم معاہدوں پر دستخط بھی کیا۔