جاپان کے دارالحکومت ٹوکیو میں منعقدہ کواڈ گروپ کے اجلاس میں تائیوان پر تبصرہ کرتے ہوئے امریکی صدر جو بائیڈن نے کہا تھا کہ اگر چین نے تائیوان پر حملہ کیا تو امریکہ ضرور مداخلت کرے گا۔ صدر کے اس بیان کا بالواسطہ ردعمل کا اظہار کرتے ہوئے چین نے تائیوان کے قریب فوجی مشقین شروع کر دی ہے۔ Military Exercises near Taiwan چین نے بائیڈن کے تبصروں پر فوری ردعمل دیتے ہوئے کہا کہ "قومی خودمختاری اور علاقائی سالمیت کے دفاع میں چینی عوام کے پختہ عزم، پختہ ارادے اور مضبوط صلاحیت کو کسی کو کم نہیں سمجھنا چاہیے۔" وزارت خارجہ کے ترجمان وانگ وین بن نے کہا کہ 'چین کے پاس سمجھوتہ یا رعایت کی کوئی گنجائش نہیں ہے۔
سی جی ٹی این نے پیپلز لبریشن آرمی (پی ایل اے) کے پانچ تھیٹر کمانڈوز میں سے ایک ایسٹرن تھیٹر کمانڈ کے ترجمان سینئر کرنل شی یی کے حوالے سے بتایا کہ پی ایل اے کی ایسٹرن تھیٹر کمانڈ نے ارد گرد کے پانیوں اور فضائی حدود میں مشترکہ فوجی مشقیں شروع کی ہیں۔ جو امریکہ کو دی گئی ایک طرح سے وارننگ ہے۔ انہوں نے کہا کہ "تائیوان چین کا ہی حصہ ہے اور پی ایل اے کی ایسٹرن تھیٹر کمانڈ قومی خودمختاری اور خطے میں امن و استحکام کے لیے پرعزم ہے۔"