Ukraine Crisis: یوکرین بحران کا اصل ذمہ دارامریکہ ہی ہے، چین

روس میں چین کے سفیر ژانگ ہنہوئی کا کہنا ہے کہ یوکرین بحران Ukraine Crisis کو شروع کرنے اور جنگ پر اکسانے کا اصل محرک امریکہ ہے، جس کے بعد امریکہ روس پر معاشی پابندیاں لگا رہا ہے اور یوکرین کو فوجی ساز و سامان فراہم کررہا ہے۔

بیجنگ:امریکی کانگریس کی اسپیکر نینسی پلوسی کے دورہ تائیوان کے بعد امریکہ اور چین کے درمیان جاری کشیدگی اور الزامات کے درمیان چین نے دعویٰ کیا ہے کہ روس یوکرین جنگ کا اصل ذمہ دار امریکہ ہی ہے۔

روس میں چینی سفیر نے امریکہ کو روس یوکرین جنگ کا ذمہ دار ٹہراتے ہوئے الزام عائد کیا ہے کہ واشنگٹن پوری طرح ماسکو کو کچلنا چاہتا ہے۔ سفیر ژانگ ہنہوئی نے کہا کہ امریکہ نے نیٹو کے دفاعی اتحاد کی بار بار توسیع اور ماسکو کے بجائے یوکرین کو یورپی یونین کے ساتھ منسلک کرنے کی کوشش کرنے والی قوتوں کی حمایت کے ساتھ روس کو ایک کونے میں ڈال دیا ہے۔

روس کی سرکاری خبر رساں ایجنسی تاس کو انٹرویو دیتے ہوئے ژانگ نے کہا کہ یوکرین بحران Ukraine Crisis کو شروع کرنے اور جنگ پر اکسانے کا اصل محرک امریکہ ہے جو روس پر سخت پابندیاں لگا رہا ہے جب کہ یوکرین کو اسلحہ اور فوجی ساز و سامان کی فراہمی جاری رکھے ہوئے ہے۔

انٹرویو میں ژانگ کا کہنا تھا کہ چین اور روس کے تعلقات ''تاریخ کے بہترین دور میں داخل ہو چکے ہیں جس کی خصوصیت باہمی اعتماد کی اعلیٰ ترین سطح اور اسٹریجک اہمیت ہے۔ (یو این آئی)