Balasore Train Accident بی جے پی اپنی غلطی تسلیم نہیں کرتی بلکہ دوسروں پر الزام لگاتی ہے، راہل گاندھی

راہل گاندھی نے بی جے پی پر شدید نکتہ چینی کرتے ہوئے کہا کہ اوڈیشہ ٹرین حادثہ سے متعلق آپ بی جے پی سے کچھ بھی پوچھیں، تو تسلی بخش جواب دینے کے بجائے دوسروں پر الزام لگائیں گے۔ راہل نے اڈیشہ میں ٹرپل ٹرین سانحہ پر امریکی شہر نیویارک میں بی جے پی زیرقیادت مرکز پر تنقید کی۔ Rahul Gandhi on train accident

نیویارک: کانگریس پارٹی کے رہنما راہل گاندھی نے پیر کو اوڈیشہ ٹرین حادثے پر مرکز کی بی جے پی زیرقیادت حکومت کو نشانہ بناتے ہوئے دعویٰ کیا کہ وہ ایک نظریے کی حمایت کرتی ہے، جو حقیقت کو قبول نہ کرنے کا بہانہ بناتی ہے اور تاریخ پر الزام عائد کرتی ہے۔ دو مسافر ٹرینوں اور ایک مال بردار ٹرین کے خوفناک تصادم اور پٹری سے اترنے کے نتیجے میں 275 مسافروں کی جانیں گئیں اور 1000 سے زیادہ زخمی ہوئے۔ اپنے موجودہ دورہ امریکہ کے ایک حصے کے طور پر نیویارک میں امریکی نزاد بھارتی شہریوں سے خطاب کرتے ہوئے راہل نے کہا کہ جب مرکز میں کانگریس اقتدار میں تھی اور اس طرح کا ایک واقعہ پیش آیا تھا تو اس وقت کے وزیر ریلوے نے اپنی اخلاقی ذمہ داری سمجھتے ہوئے وزارت سے استعفیٰ دے دیا تھا۔

انہوں نے کہا کہ مجھے ایک ٹرین حادثہ یاد ہے جب کانگریس پارٹی اقتدار میں تھی۔ کانگریس نے یہ نہیں کہا کہ ٹرین انگریزوں کی غلطی کی وجہ سے پلٹی ہے بلکہ اس وقت کے وزیر ریلوے نے کہا کہ یہ میری ذمہ داری ہے اور میں استعفیٰ دے رہا ہوں۔ راہل نے دعویٰ کیا کہ بی جے پی کو اپنی غلطیوں کو قبول نہ کرنے اور سوال پوچھے جانے پر کانگریس پر الزام لگانے کی عادت ہے۔ کانگریس رہنما نے کہا کہ بی جے پی سے کچھ بھی پوچھیں، تو جواب دینے کے بجائے وہ دوسرں پر الزام لگائیں گے۔

راہل گاندھی کے مطابق بی جے پی سے پوچھیں کہ اوڈیشہ ٹرین حادثہ کیسے ہوا؟ تو وہ جواب دیں گے کہ کانگریس نے 50 سال پہلے کیا کیا تھا۔ اس سے پہلے کے ایک بیان میں راہل نے کہا تھا کہ وزیر اعظم نریندر مودی کو بالاسور ٹرین حادثے کے تناظر میں فوری طور پر وزیر ریلوے اشونی وشنو کا استعفیٰ طلب کرنا چاہئے۔