US Mass Shooting امریکہ کے شہر لیوسٹن میں اندھا دھند فائرنگ، بائیس سے زائد افراد ہلاک

امریکہ کے شہر لیوسٹن میں اندھا دھند فائرنگ کے نتیجہ میں بائیس افراد ہلاک جب کہ متعدد زخمی ہوگئے ہیں۔ پولیس نے حملہ آور کی تصویر جاری کی ہے، جس کے ہاتھ میں بڑا ہتھیار ہے۔ ساتھ ہی پولیس نے اس حملہ آور کی گرفتاری میں مدد کی اپیل کی ہے۔Lewiston Maine Shootings, Lewiston Shootings, Lewiston Maine, Lewiston

واشنگٹن: امریکہ میں ایک بار پھر فائرنگ کا واقعہ سامنے آیا ہے۔ معلومات کے مطابق بدھ کو لیوسٹن میں فائرنگ کی اطلاع ملی۔ اس فائرنگ میں اب تک بائیس سے زائد افراد ہلاک ہو چکے ہیں۔ اس کے ساتھ ہی درجنوں افراد زخمی ہیں۔ ان میں سے بعض زخمیوں کی حالت انتہائی تشویشناک بتائی جاتی ہے۔ امریکی پولیس کے مطابق ایک شارپ شوٹر نے یہ جرم کیا ہے۔

آپ کو بتاتے چلیں کہ امریکہ میں فائرنگ کا واقعہ کوئی نیا نہیں ہے۔ اس سے قبل بھی فائرنگ کے کئی واقعات سامنے آچکے ہیں۔ اینڈوسکوگن کاؤنٹی شیرف آفس (پولیس) نے حملہ آور کی تصویر بھی سوشل میڈیا ایکس پر پوسٹ کی ہے۔ اس تصویر میں حملہ آور ہاتھ میں ہتھیار پکڑے نظر آ رہا ہے۔ اس کے ساتھ ہی یہ حملہ آور جرم کرنے کے بعد کہیں فرار ہو گیا ہے۔ امریکی پولیس نے حملہ آور کی تفصیل جاری کرتے ہوئے کہا کہ اس نے فل شرٹ اور جینز پہن رکھی تھی۔ اس کی داڑھی بھی ہے۔ لیوسٹن میں سینٹرل مین نے ایک بیان جاری کرتے ہوئے کہا کہ اس واقعے میں مہلوکین کی تعداد بڑھ سکتی ہے۔ تمام زخمیوں کو اسپتالوں میں داخل کرایا گیا ہے۔

دوسری جانب لیوسٹن میں فائرنگ کے واقعے کے بعد امریکی پولیس نے شہریوں سے گھروں میں رہنے کی اپیل کی ہے۔ پولیس کا کہنا ہے کہ ہم حملہ آور کو پکڑنے کی کوشش کر رہے ہیں اور فائرنگ کے پیچھے کی وجوہات کا پتہ لگا رہے ہیں۔ پولیس نے رات گئے الرٹ بھی جاری کر دیا ہے۔