Torrential Rain in Philippines فلپائن میں طوفانی بارش، سیلابی ریلے اور لینڈ سلائیڈنگ کے واقعات میں 11 افراد ہلاک

فلپائین میں طوفانی بارش کے سبب 11 افراد ہلاک ہو چکے ہیں، جبکہ 63 ہزار سے زائد کنبے متاثر ہوئے ہوئے ہیں۔

منیلا: فلپائن میں 2 جنوری سے جاری طوفانی بارشوں کی پیدا کردہ، سیلابی ریلوں اور لینڈ سلائیڈنگ جیسی، آفات کے نتیجے میں 11 افراد ہلاک ہو گئے ہیں۔ بعض مقامات پر بارانی پانی کی سطح 3 میٹر تک بلند ہونے کی وجہ سے دیہات، سڑکیں اور زرعی اراضی زیرِ آب آ گئی

اطلاع کے مطابق بیکول، ویسایاس اور میڈاناو سمیت ملک کے مختلف حصوّں میں جاری طوفانی بارشیں سیلابی ریلوں اور لینڈ سلائیڈنگ کا بھی سبب بن رہی ہیں۔بعض مقامات پر بارانی پانی کی سطح 3 میٹر تک بلند ہونے کی وجہ سے دیہات، سڑکیں اور زرعی اراضی زیرِ آب آ گئی ہے۔ فلپائن محکمہ سِول ڈیفنس سے موصول معلومات کے مطابق قدرتی آفات کے نتیجے میں 11 افراد ہلاک ہو گئے ہیں، 63 ہزار 101 کنبے متاثر ہوئےا ور 815 کنبے گھر بار ترک کرنے پر مجبور ہو گئے ہیں۔

ایجنسی نے یہ بتایا کہ بیکول کے علاقے میں 45 ہزار سے زیادہ لوگوں کو بحفاظت نکال لیا گیا ہے اور انہیں کم از کم 87 سرکاری پناہ گاہوں میں رکھا گیا ہے۔ باقی اپنے رشتہ داروں کے پاس رہ رہے ہیں۔ انہوں نے کہا کہ تقریباً 534 مکانات شدید بارش اور سیلاب کی وجہ سے مکمل یا جزوی طور پر تباہ ہوئے ہیں۔ سیلاب سے سڑکوں اور تین پلوں کو کافی نقصان پہنچا ہے۔ اس دوران حکومتی اداروں سے اپیل کی گئی کہ وہ لوگوں کے جان و مال کے تحفظ کے لیے تمام ضروری اقدامات کریں۔

یو این آئی