Taliban Ban on Women Education خواتین کی اعلیٰ تعلیم پر پابندی کے خلاف افغان پروفیسر نے لائیو شو میں ڈگریاں پھاڑدیں

کابل یونیورسٹی کے ایک پروفیسر نے لائیو ٹی وی شو میں اپنے تعلیمی اسناد کو یہ کہتے ہوئے پھاڑ دیا کہ اگر اس ملک میں میری ماں اور بہن نہیں پڑھ سکتیں تو میری تعلیم کا بھی کوئی فائدہ نہیں۔Taliban ban on women education

کابل: افغانستان ایک پروفیسر نے مقامی میڈیا طلوع نیوز کے لائیو ٹی وی پروگرام میں ڈگریاں پھاڑ کر خواتین کو اعلیٰ تعلیم سے روکنے کے طالبان کے فیصلے کو مسترد کر دیا۔ غیرملکی خبررساں ایجنسی کی رپورٹ کے مطابق افغانستان میں لائیو ٹی وی پروگرام میں کابل یونیورسٹی کے پروفیسر نے اپنی ڈپلومہ کی ڈگریاں پھاڑ دیں جس کی ویڈیو سوشل میڈیا پر وائرل ہو رہی ہے، گزشتہ دنوں طالبان حکومت کی جانب سے خواتین کی اعلیٰ تعلیم حاصل کرنے پر پابندی عائد کی گئی تھی۔Taliban ban on women education

ٹوئٹر پر وزیر برائے افغان آباد کاری اور وزیر برائے مہاجرین کی سابقہ پالیسی مشیر شبنم نسیمی نے ایک لائیو شو کا کلپ شیئر کیا۔ جس میں دیکھا جاسکتا ہے کہ ایک پروفیسر اپنے تعلیمی اسناد کو ایک ایک کر کے اٹھا کر کیمرے میں دکھاتا ہے اور پھر وہ ایک ایک کرکے انہیں پھاڑ دیتا ہے۔ شبنم نسیمی نے اس کلپ کو پریشان کُن مناظر قرار دیتے ہوئے لکھا کہ افغانستان میں لائیو ٹی وی شو کے دوران کابل یونیورسٹی کے پروفیسر نے اپنے ڈپلومہ سرٹیفکیٹ کو ضائع کردیا۔

شبنم نسیمی نے پروفیسر کے رویے کو مزید وضاحت کرتے ہوئے لکھا کہ آج سے مجھے ان اسناد کی ضرورت نہیں کیونکہ اس ملک میں تعلیم کے لیے کوئی جگہ نہیں ہے۔ اگر میری بہن اور میری ماں پڑھ نہیں سکتیں تو میں اس تعلیم کو قبول نہیں کروں گا۔ واضح رہے کہ افغان طالبان کی جانب سے خواتین کی اعلیٰ تعلیم پر پابندی عائد کی گئی تھی جس کے بعد سے دنیا بھر میں اس اقدام کی پُر زور مذمت کی جارہی ہے۔