ISIS in Afghanistan افغان فورسز کا داعش کے تین افراد کو ہلاک اور ایک کو گرفتار کرنے کا دعویٰ

افغان طالبان کے ذرائع نے داعش کے اہم رہنما عبدالمالک عرف مالکی کو افغانستان میں گرفتار کیے جانے کی تصدیق کی ہے۔ طالبان ذرائع کا کہنا ہے کہ عبدالمالک عرف مالکی کو جنرل ڈائریکٹوریٹ آف انٹیلی جنس افغانستان نے گرفتار کیا ہے۔ ISIS in Afghanistan

افغانستان کی سکیورٹی فورسز نے مشرقی صوبہ کنڑ میں شدت پسند داعش یا اسلامک اسٹیٹ تنظیم سے وابستہ تین عسکریت پسندوں کو ہلاک جبکہ ایک کو گرفتار کرنے کا دعویٰ کیا ہے۔ ڈائریکٹوریٹ جنرل آف انٹیلی جنس (جی ڈی آئی) نے بدھ کو ایک بیان میں کہا، "جی ڈی آئی کے اہلکاروں نے صوبہ کنڑ کے شیگل ضلع میں ایک کارروائی کے دوران اسلامک اسٹیٹ گروپ کے تین ارکان کو ہلاک کر دیا۔ جو امن و امان کا مسئلہ پیدا کرنے کے لیے تخریبی سرگرمیوں میں ملوث تھے۔ ISIS in Afghanistan

انٹیلی جنس یونٹ نے دیگر بیان میں کہا کہ اس کے اہلکاروں نے داعش کے اہم رہنما عبدالمالک عرف مالکی کو گرفتار بھی کیا ہے، جس نے کنڑ صوبے میں بنیاد پرست گروپ کے لیے فنڈز اکٹھے کیے اور جنگجو بھرتی کیے تھے۔ اسلامک اسٹیٹ کو ایک سنگین خطرہ قرار دیتے ہوئے، طالبان کے زیر انتظام انتظامیہ نے کہا ہے کہ سیکورٹی فورسز دہشت گرد گروپ کے خلاف کریک ڈاؤن جاری رکھیں گی، جس نے ملک میں ہونے والے کچھ مہلک ترین دھماکوں کی ذمہ داری قبول کی ہے۔