لاس اینجلس: امریکہ کے جنوبی کیلیفورنیا میں ایک پارٹی میں فائرنگ سے کم از کم آٹھ افراد زخمی ہو گئے۔ یہ واقعہ ہفتہ کا ہے۔ لاس اینجلس ٹائمز نے اطلاع دی ہے کہ لاس اینجلس کاؤنٹی شیرف ڈیپارٹمنٹ کے نمائندوں کو لاس اینجلس سے 20 کلومیٹر جنوب میں کارسن شہر میں مقامی وقت کے مطابق تقریباً 12:05 بجے گولیاں چلنے کی اطلاع ملی۔ رپورٹ میں کہا گیا کہ افسران کو جائے وقوعہ پر چھ زخمی افراد ملے۔ دوسری جانب دو دیگر زخمیوں کو مقامی لوگوں نے ہسپتال پہنچایا۔ رپورٹس میں بتایا گیا کہ متاثرین کی عمریں 16 سے 29 سال کے درمیان تھیں اور ان میں سے دو کی حالت تشویشناک ہے۔ کے ٹی ایل اے ٹی وی کی رپورٹ کے مطابق مقامی لوگوں نے بتایا کہ جب فائرنگ ہوئی کم از کم 50 نوجوان پول پارٹی میں شامل تھے۔
واضح رہے کہ دو ہفتہ قبل کیلیفورنیا کے شہر سنی ویل میں فائرنگ کے واقعے میں ایک شخص ہلاک اور چار زخمی ہو گئے تھے۔ پولیس نے یہ اطلاع دی تھی۔ یہاں مشتبہ شخص نے خاندان کی کار پر گولی چلا دی تھی۔ عبوری پولیس چیف بل ویگاس نے بتایا کہ تین بچوں سمیت چار زخمیوں کو اسپتال لے جایا گیا۔ امریکہ میں حالیہ دنوں میں فائرنگ کے کئی واقعات سامنے آئے ہیں۔ کچھ روز قبل ریاست ٹینیسی کے ایک سکول میں فائرنگ کا بڑا واقعہ سامنے آیا تھا۔ جہاں ایک لڑکی شوٹر نے حملہ کیا۔ اس دوران 6 افراد ہلاک ہو گئے جن میں کئی بچے بھی شامل ہیں۔