کمپالا:شمالی یوگنڈا کے اویام ضلع میں جمعرات کی رات ایک بس کے کھڑے ٹرک سے ٹکرانے سے کم از کم 16 افراد ہلاک ہو گئے۔ پولیس نے جمعہ کے روز ایک بیان میں کہا کہ متاثرین دارالحکومت کمپالا سے گلو جانے والی ایک مسافر بس میں سفر کر رہے تھے جب آدیبی ٹریڈنگ سینٹر میں گاڑی ایک مال سے لدے ٹرک سے ٹکرا گئی۔ بیان میں کہا گیا ہےکہ"پولیس ٹریفک اور جنرل ڈیوٹی نے اطلاع ملنے کے بعد فوری طور پر جائے واقع کا دورہ کیا اور تصدیق کی کہ 11 افراد کی جائے واقع پر ہی موت ہوگئی، جب کہ چار دیگر نے تشویشناک حالت میں اسپتال میں دم توڑ دیا۔' Road Accident in Uganda
یوگنڈا ریڈ کراس سوسائٹی کے مطابق بعد میں ایک اور لاش بس کے ملبے سے ملی، جس سے مرنے والوں کی تعداد 16 ہو گئی۔ پولیس کا کہنا ہے کہ حادثے کی وجہ کا ابھی تک پتہ نہیں چل سکا ہے تاہم ابتدائی تحقیقات میں ٹریلر ڈرائیور کی جانب سے غلط پارکنگ کو حادثہ قرار دیا گیا ہے۔ گاڑی کا ڈرائیور کوئی انتباہی نشان لگانے میں ناکام رہا۔