اردو

urdu

ETV Bharat / international

ڈبلیو ایچ او نے لبنان کی طبی امداد کی

دھماکے کے بعد لبنانی وزیر صحت کی درخواست پر ڈبلیو ایچ او نے 500 زخمیوں کے علاج کے لئے تمام ضروری طبی سامان کے علاوہ دوائیں اور 500 سرجری کٹس بھی بھیجا ہے۔

Lebanon
Lebanon

By

Published : Aug 5, 2020, 10:46 AM IST

ورلڈ ہیلتھ آرگنائزیشن (ڈبلیو ایچ او) نے لبنان میں خوفناک دھماکے کے بعد 500 سے زائد زخمیوں کے علاج کے لئے میڈیکل آلات کے علاوہ ادویات اور 500 سرجری کٹس بھیجنے کا اعلان کیا ہے۔

منگل کو ڈبلیو ایچ او کے ترجمان اناس حمام نے یہ اطلاع دی۔

اناس حمام نے کہا کہ ’’دھماکے کے بعد لبنانی وزیر صحت کی ایک درخواست کی بنیاد پر ڈبلیو ایچ او 500 زخمیوں کے علاج کے لئے تمام ضروری طبی سامان کے علاوہ دوائیں اور 500 سرجری کٹس بھی بھیج رہا ہے۔''

لبنانی دارالحکومت بیروت میں ایک بندرگاہ پر منگل کی شام ایک زبردست دھماکے میں کم از کم 85 افراد ہلاک اور 3000 سے زائد دیگر زخمی ہوگئے تھے۔ بیروت کا رفیق حریری انٹرنیشنل ایئرپورٹ کو بھی اس خوفناک دھماکے کی وجہ سے نقصان پہنچا ہے۔

ڈبلیو ایچ او کے ترجمان نے بتایا کہ تنظیم لبنان کے وزیر صحت اور ان اسپتالوں سے مستقل رابطے میں ہے جہاں زخمیوں کا علاج کیا جارہا ہے۔

انہوں نے کہا کہ ’’دھماکے سے متاثر تمام افراد کے لئے اظہار تعزیت اور دعا ہے۔ لبنان میں ڈبلیو ایچ او کا مشن ملک میں لوگوں کی بہتر صحت کو یقینی بنانے کی سمت کام کرتا رہے گا۔‘‘

ڈبلیو ایچ او نے لبنان کے پڑوسی ممالک سے دھماکہ کے وقت میں متحد ہونے کی اپیل کی ہے۔

ABOUT THE AUTHOR

...view details