اقوام متحدہ نے لیبیا حملے کی مذمت کی

اقوام متحدہ کے جنرل سکریٹری انتونیو گٹیرس اور سلامتی کونسل کی صدر جوآن رونیكا نے لیبیا کے بن غازی شہر میں ہوئے کار بم دھماکے میں اقوام متحدہ حکام کے ہلاک ہونے پر غم کا اظہار کیا اور اس حملے کی مذمت کی۔

گٹیرس کے ترجمان اسٹیفن دجارك نے کہا کہ 'اقوام متحدہ کے جنرل سکریٹری نے لیبیا کے بن غازی میں ہفتے کے روز ہوئے کار بم دھماکے کے واقعے کی سخت الفاظ میں مذمت کی ہے۔'

انہوں نے متاثرہ کنبوں کے تئیں گہری تعزیت کا اظہار کیا اور زخمیوں کے جلد صحت مند ہونے کی دعا کی۔ ساتھ ہی انہوں نے سبھی فریقین سے عید الاضحیٰ کے دوران جنگ بندی پر عمل کرنے اور لیبیا کے لوگوں کے پرامن مستقبل کے لیے مذاکرات بحال کرنے کی اپیل کی ہے۔
دوسری جانب، اقوام متحدہ کی سلامتی کونسل کی صدر رونیكا نے کہا کہ 'سلامتی کونسل کے رکن ممالک کی جانب سے میں اس ظالمانہ قتل کی سخت الفاظ میں مذمت کرتی ہوں۔ ہمیں اطلاع ملی ہے کہ اس واقعے میں اقوام متحدہ کے تین افسران کی موت ہوئی ہے اور دیگر افسران زخمی ہوئے ہیں۔'