جمعہ کے روز یہ اطلاع اقوام متحدہ میں روسی مشن کے پریس سکریٹری فیڈراسٹریززووسکی نے دی۔
فیڈراسٹریززووسکی نے کہا 'پیر کی صبح تین بجے بند دروازوں کے درمیان سلامتی کونسل کا اجلاس ہوگا۔'
اس اجلاس کا مطالبہ منسک گروپ، یوروپ میں سلامتی اور تعاون کی تنظیم نے کیا تھا۔
یہ بھی پڑھیں: آذربائیجان کے شہر گینجا پر حملہ، 10 افراد ہلاک
واضح رہے کہ 27 ستمبر سے آرمینیا اور آذربائیجان کی افواج نگورنو-کاراباخ علاقے پر قبضے کے سلسلے میں پرتشدد لڑائی لڑ رہی ہیں۔
اس لڑائی میں اب تک دونوں جانب سے بہت سے لوگ ہلاک ہوچکے ہیں۔ روس کی ثالثی کے بعد دونوں ممالک 10 اکتوبر کو جنگ بندی پر عمل درآمد کرنے پر راضی ہوگئے تھے، لیکن لڑائی پھر شروع ہوگئی ہے۔