سعودی عرب کے مانیٹری اتھارٹی (ایس اے ایم اے) نے نیا پانچ ریال پولیمر کا پلاسٹک نوٹ جاری کیا ہے۔
ایس اے ایم اے نے کہا کہ یہ نئی قومی کرنسی کی ترقی کی طرف ایک اہم قدم ہے۔
سعودی عرب کے سرکاری حکام کے مطابق یہ پلاسٹک کرنسی سیکیورٹی ٹکنالوجیز می مدد دے گی اور اس میں ایسا مواد شامل ہیں جو اسے محفوظ اور زیادہ ماحول دوست بنائے گا۔
سعودی عرب کی مانیٹری ایجنسی نے ٹوئٹ کر بتایا ہے کہ 'قومی کرنسی کی ترقی میں ایک نیا قدم اٹھانے کی کوشش میں ساما نے پولیمر سے بنا نیا پانچ ریال نوٹ جاری کیا'۔
سعودی حکام کا کہنا ہے کہ 'نئے کرنسی نوٹ پولیمر سے بنے ہیں جس کی لاگت پیپر نوٹوں سے خاطر خواہ کم ہے اور یہ طویل عرصے تک قابل استعمال رہے گا'۔
ایس اے ایم اے کے مطابق پولیمر سے بنے نوٹوں میں سیکیورٹی خصوصیات بھی موجود ہیں، جس کے باعث نئے نوٹوں میں جعل سازی نہیں ہوسکتی جبکہ اس ریال پر ہاتھ سے لکھائی بھی ممکن نہیں۔
ساما نے کہا ہے کہ 'پانچ ریال کے کرنسی نوٹوں کا اجرا پیر سے ہو چکا ہے جبکہ باقی کرنسی نوٹ بھی مرحلہ وار جاری کیے جائیں گے'۔