روسی کارگو جہاز غرقاب، عملہ کے دو ارکان کی موت

روسی پرچم بردار کارگو جہاز بحر میت میں ترکی کے ساحل کے نزدیک ڈوب گیا۔ اس حادثے میں عملہ کے دو ارکان کی موت ہوگئی۔ ترک صوبائی گورنر نے اتوار کے روز بتایا کہ 15 رکنی عملہ کے دیگر ارکان کو بچانے کے لیے ریسکیو آپریشن جاری ہے۔

اناطول نیوز ایجنسی نے صوبائی گورنر کے حوالے سے بتایا کہ ترکی کے انکومو علاقے میں روسی پرچم بردار کارگو جہاز ڈوب گیا۔ جہاز کے عملہ کے 15 اراکین کی تلاش کے لیے سرچ آپریشن شروع کردیا گیا۔ یہ اراکین تین چھوٹی لائف بوٹ پر سوار ہیں۔

حکام نے بتایا کہ سخت موسم کے سبب ریسکیو آپریشن میں دقتیں آرہی ہيں۔

دریں اثناء، گورنر سینان گنیر نے بتایا کہ عملہ کے تین اراکین کو بچا لیا گیا ہے، جبکہ دو افراد کی لاشیں برآمد کر لی گئی ہيں۔

انقرہ میں روسی سفارتخانہ کے ترجمان نے بتایا کہ مقامی حکام کی طرف سے سرچ آپریشن جاری ہے۔ ابتدائی رپورٹ میں کسی ہلاکت کی اطلاع نہيں ملی ہے۔