پابندیوں کے باوجود روسی کمپنیاں ایران میں کام کرنے کی خواہش مند

رستم ہنگاشین نے واضح کیا کہ حال ہی میں تلاش کئے گئے نئے تیل کے علاقے کو ڈیولپ کرنے میں کسی غیر ملکی کمپنی یا روسی کمپنیوں کا کوئی کردار نہیں ہے۔

ایران میں روسی تجارتی نمائندہ نے کہا ہے کہ 'ایران پر لگائی گئی امریکی پابندیوں کے باوجود روسی کمپنیاں ایران میں مختلف شعبوں میں سرمایہ کاری کرنے کی خواہش مند ہیں۔

تجارتی نمائندہ رستم ہنگاشین نے بتایا کہ امریکہ کی زبردست پابندیوں کے باوجود روسی کمپنیاں ایران میں توانائی، زراعت، آٹوموبائل، بجلی، کانکنی، طبی سہلولیات، آمدورفت اور دیگر شعبوں میں تعاون کرنے میں دلچسپی رکھتی ہیں۔

انہوں نے واضح کیا کہ حال ہی میں تلاش کئےگئے نئے تیل کے علاقے کو ڈیولپ کرنے میں کسی غیر ملکی کمپنی یا روسی کمپنیوں کا کوئی کردار نہیں ہے۔

واضح رہے کہ نومبر کے آخر میں روسی وزیر توانائی الیکزینڈر نوواک نے اپنے ایرانی ہم منصب سے ملاقات کرکے بنیادی ڈھانچے کی ترقی کے لئے پانچ ارب ڈالر کے قرض دینے کی پیشکش کی تھی۔