مودی اور محمد بن زائد النہیان کے درمیان ٹیلی فونک بات چیت

بھارتی وزیر اعظم نریندر مودی نے ابوظہبی کے ولی عہد اور متحدہ عرب امارات کے مسلح دستوں کے نائب سپریم کمانڈر شیخ محمد بن زائد النہیان کے درمیان ٹیلی فون پر بات چیت میں کووڈ وبا کے دوران باہمی تعاون اور بھارت و متحدہ عرب امارات شراکت داری کو مزید تقویت دینے کے لیے اعلی رہنماؤں کے مابین مشاورت ہوئی۔

ابوظہبی کے ولی عہد محمد بن زائد النہیان

کورونا وائرس بحران پر قابو پانے جیسے موضوعات پر وزیر اعظم نریندر مودی اور ابوظہبی کے ولی عہد شیخ محمد بن زائد النہیان کے درمیان ٹیلی فونک رابطہ قائم ہوا ہے۔ دونوں لیڈروں نے خطے میں کووڈ کی وبا کے اثرات کے بارے میں گفتگو کی اور اس بات پر اطمینان کا اظہار کیا کہ بھارت اور متحدہ عرب امارات کے درمیان باہمی تعاون میں صحت بحران کے دوران بھی توقف نہیں آیا۔

دونوں لیڈروں نے کووڈ کے بعد کی دنیا میں بھی بھارت – متحدہ عرب امارات شراکت داری کو مزید تقویت دینے کے لئے گہری مشاورت اور باہمی تعاون کا سلسلہ جاری رکھنے پر بھی اتفاق کیا۔ وزیر اعظم نے متحدہ عرب امارات میں غیرمقیم بھارتی برادری کی فلاح و بہبود کے تئیں اپنی خصوصی توجہ و نگہداشت کے لئے شیخ محمد بن زائد النہیان کی خاص طور پر ستائش کی۔

وزیر اعظم نے ابوظہبی کے ولی عہد محمد بن زائد النہیان سے بات چیت کی

دونوں لیڈروں نے کووڈ کے بحران پر جلد ہی قابو پالینے اور مستقبل قریب میں بالمشافہ ملاقات کے تئیں اپنے مشترکہ اعتماد کا اظہار کیا۔