جیش محمد نے مسعود اظہر کی موت کی خبر کو مسترد کیا

شدت پسند تنظم جیش محمد نے اپنے سربراہ مولانا مسعود اظہر کی موت کی خبر کو سرے سے مسترد کیا اور کہا ہے کہ 'اللہ کے فضل و کرم سے وہ صحت یاب ہیں'۔

پلوامہ میں 14 فروری کو ہونے والے خودکش حملے کے بعد بالاکوٹ میں شدت پسند تنطیم جیش محمد کے کیمپ کو بھارتی فضائیہ نے گزشتہ ہفتے فضائی حملے کا نشانہ بنایا جہاں خودکش حملوں کی تربیت دی جاتی تھی۔

پلوامہ خودکش حملے کے بعد بالاکوٹ میں شدت پسند تنظیم جیش محمد کے کیمپ کو ( آئی اے ایف) نے فضائی حملے کا نشانہ بنایا تھا جہاں پر خودکش حملوں کی تربیت دی جاتی تھی۔

سی این این کو دیے گئے ایک انٹرویو میں پاکستان کے وزیر خارجہ شاہ محمود قریشی نے تسلیم کیا تھا کہ جیش محمد کے چیف پاکستان میں ہیں اور بیمار ہیں۔

انہوں نے مزید کہا کہ بھارت ٹھوس ثبوت پیش کرتا ہے تو پاکستانی حکومت تنظیم کے خلاف قانونی کاروائی کرے گی۔

حالیہ رپورٹز کے مطابق شدت پسند تنظیم کے بانی راولپنڈی کے آرمی ہسپتال میں زیر علاج ہیں۔

پاکستان کے صوبہ پنجاب کے بھاول پور میں مقیم مسعود اظہر نے شدت پسند تنظیم جیش محمد کو2000 میں قائم کیا۔

مسعود اظہر کو این ڈی اے کی سرکار نے 1999 میں اغوا شدہ بھارتی ایئر لائنز کے یرغمال بنائے جانے کے عوض میں رہا کیا تھا۔ جیش محمد کے چیف مسعود اظہر اسامہ بن لادن کے قریبی تھے۔

واضح رہے شدت پسند تنظیم جیش محمد 2001 میں پارلیمنٹ پر ہونے والے حملے، جموں و کشمیر کی اسمبلی پر ہونے والا خودکش حملہ، پٹھان کوٹ ایئر بیس اور حال ہی میں پلوامہ خودکش حملے کے ذمہ دار قرار دیے جاتے ہیں۔