پاور اسٹیشن کی بندش سے پورے لبنان میں بجلی منقطع

لبنان میں ایندھن کی کمی کے باعث بجلی کے دو بڑے پاور اسٹیشن بند ہوگئے ہیں، سرکاری ذرائع کے مطابق پاور اسٹیشن کی بندش سے پورے لبنان میں بجلی کی فراہمی منقطع ہوگئی ہے۔ جو کہ کچھ دنوں تک جاری رہے گی۔

معاشی بحران سے دوچار لبنان کئی ماہ سے ایندھن کی قلت کا شکار ہے اور بیشتر لبنانی عوام بجلی حاصل کرنے کیلئے پرائیویٹ جنریٹرز کا استعمال کر رہی ہے۔

تاہم اطلاعات ہیں کہ اب لبنان میں دو بڑے پاور اسٹیشن بند ہونے سے پورے لبنان میں بجلی کی فراہمی منقطع ہوگئی اور ملک میں اندھیرا چھا گیا ہے۔

غیرملکی خبررساں ایجنسی کے مطابق لبنان میں بجلی کی بندش مزید کچھ دنوں تک جاری رہے گی۔

رپورٹس کے مطابق الزہرانی اور دیر امار پاور اسٹیشنز فیول ختم ہونے کے باعث بند کردئیے گئے ہیں جس کے بعد لبنان میں بجلی کی پیداوار 200 میگاواٹ سے بھی نیچے آگئی ہے۔

اس سے قبل لبنان بھر میں مجموعی طور پر 7 بار بلیک آؤٹ ہو چکا ہے۔

(یو این آئی)