41 کویتی گلوکارہ شمس الاسلمی نے دنیا کے امیر ترین شخص اور مائیکرو سافٹ کے بانی 65 سالہ بل گیٹس کو شادی کی پیشکش کر دی ہے۔
سماجی رابطے کی ویب سائٹ ٹوئٹر پر کویتی گلوکارہ شمس الاسلمی نے بل گیٹس کا ایک بیان ری ٹوئٹ کیا جس میں مائیکرو سافٹ کے بانی کا کہنا تھا کہ دنیا ممکنہ طور پر مستقبل میں چیچک کا سامنا کر سکتی ہے، لہٰذا تحقیق کے لیے فنڈز مختص کرنا ہوں گے۔
یہ بھی پڑھیں: بل اور میلنڈا گیٹس کا طویل رفاقت کے بعد طلاق لینے کا اعلان
شمس الاسلمی نے اس بیان پر اپنے ردِ عمل کا اظہار کرتے ہوئے لکھا کہ ’بل گیٹس کافی اسمارٹ (ذہین) شخص ہیں اور وہ موجودہ ڈجیٹل دور کے چراغ ہیں، ان کی مستقبل کے حوالے سے پیش گوئیاں اور معلومات مجھے متاثر کرتی ہیں، ان باتوں کو مدِ نظر رکھتے ہوئے میں بل گیٹس کو شادی کی پیشکش کرتی ہوں۔
گلوکارہ نے اپنے مداحوں کو مخاطب کرتے ہوئے پوچھا کہ ’کیا بل گیٹس میری پیشکش قبول کریں گے؟‘
رواں سال فروری ماہ میں بھی کویتی گلوکارہ کافی سرخیوں میں رہی تھیں کیونکہ اس نے اسلام مذہب کو چھوڑ کر یہودیت کو اختیار کر لیا تھا، اور سوشل میڈیا پر ایک ویڈیو شیئر کر اس کی جانکاری دی تھی۔ انہوں نے اپنے ویڈیو پیغام میں یہودیت کو زیادہ اعتدال پسند بتایا تھا۔
