بنیامن نیتن یاہو کے خلاف بدعنوانی کے مقدمات پر سماعت

اسرائیل کے وزیر اعظم بنیامن نیتن یاہو کو اپنے خلاف بدعنوانی کے مقدمے کی سماعت کا سامنا ہے۔ یروشلم کی عدالت نے ان کے خلاف مقدمات کی سماعت کا آغاز کر دیا ہے۔

اسرائیلی وزیر اعظم بنیامن نیتن یاہو آج یروشلم کی ایک عدالت میں بدعنوانی کے الزامات کا سامنا کرنے کے لیے پیش ہوئے۔

71 سالہ اسرائیلی وزیر اعظم بنیامن نتن یاہو پر طویل عرصے سے جاری تحقیقات سے منسلک رشوت، فراڈ اور اعتماد کی خلاف ورزی کے الزامات میں فرد جرم عائد کی گئی ہے۔ نیتن یاہو نے کسی بھی غلط کام کی تردید کی ہے اور کہا ہے کہ انہیں مخالف میڈیا، قانون نافذ کرنے والے اداروں اور عدالتی عہدیداروں کے ذریعہ پھنسایا جارہا ہے۔

نیتن یاہو اسرائیل کی ملکی تاریخ میں پہلے سربراہ ہیں جو مقدمے کا سامنا کر رہے ہیں۔ تاہم وہ خود پر رشوت، فراڈ اور اعتماد کو ٹھیس پہنچانے کے الزامات کی تردید کرتے ہیں۔

اسرائیلی وزیر اعظم نیتن یاہو کے خلاف بدعنوانی کے مقدمات کی سماعت کا آغاز

اسرائیل کے شہر یروشلم میں عدالت پہنچنے پر وزیراعظم نیتن یاہو نے کہا کہ ان مقدمات کا مقصد کسی بھی طرح ان کی حکومت کا تختہ الٹنا تھا۔

اسرائیل کے وزیر اعظم بنیامن نیتن یاہو کی رہائش گاہ کے قریب احتجاج کرنے والے مظاہرین کا کہنا ہے کہ 'بنیامن نیتن یاہو کو عہدہ چھوڑ دینا چاہئے کیونکہ ان پر بدعنوانی کے الزامات کے تحت مقدمات چل رہے ہیں'۔

اطلاع کے مطابق اسرائیل کی معیشت زوال کا شکار ہے جس کی وجہ سے سیکڑوں اسرائیلی ملازمت سے محروم ہیں۔

گذشتہ تقریبا آٹھ ماہ سے بدعنوانی کا سامنا کر رہے نیتن یاہو کے خلاف مسلسل مظاہرے ہو رہے ہیں۔