اسرائیل: کورونا وائرس کے پیش نظر فضائی سروس معطل

اسرائیلی وزیراعظم بنیامن نتن یاہو نے کورونا کے بڑھتے کیسز کی وجہ سے ایک ہفتے کے لیے غیر ضروری کاروباری سرگرمیاں بند کرنے اور ایک ہفتے کے لیے بین الاقوامی فضائی سروس بند کرنے کا اعلان کیا ہے۔

اسرائیل میں کورونا وائرس مسلسل بڑھتا ہی جا رہا ہے جس کی وجہ سے وہاں پر کورونا کے مریضوں میں اضافہ دیکھا گیا ہے۔

اسی کے پیش نظر اسرائیلی وزیراعظم بنیامن نتن یاہو نے ملک میں کورونا وبا کو روکنے کے لیے ایک ہفتے کے لیے بین الاقوامی فضائی آپریشن معطل کر دیا ہے۔ اسرائیلی حکومت کی طرف سے کورونا کے بڑھتے کیسز کی وجہ سے اس کی روک تھام کے سلسلے میں کیے جانے والے دیگر اقدامات میں ویکسین کی فراہمی اور فضائی سروس کی ایک ہفتے کے لیے معطلی شامل ہے۔ اسرائیلی حکومت کم عمر افراد کو ویکسین لگانے کی مہم شروع کر رہی ہے۔

اسرائیلی وزیراعظم بنیامن نتن یاہو

اسرائیل میں 90 لاکھ کی آبادی میں 25 لاکھ آبادی کو ویکسین فراہم کیے جانے کے باوجود حالیہ ایام میں کورونا کی وبا میں غیرمعمولی تیزی دیکھی گئی ہے۔ جنوری میں سامنے آنے والے کورونا کیسز کی ایک بڑی وجہ اسرائیل میں سماجی دوری پرعمل درآمد نہ کرنا ہے۔

اسرائیل میں کورونا وائرس کے پیش نظر فضائی سروس معطل

اسرائیلی وزیراعظم بنیامن نتن یاہو نے ایک ہفتے کے لیے غیر ضروری کاروباری سرگرمیاں بند کرنے اور ایک ہفتے کے لیے بین الاقوامی فضائی سروس بند کرنے کا اعلان کیا ہے۔

اسرائیل کی وزارت صحت نے بتایا کہ کورونا کے آغاز سے لیکر اب تک اس وائرس سے پانچ لاکھ 95 ہزار افراد اس سے متاثر ہوچکے ہیں اور چار ہزار تین سو 61 افراد کی اس وائرس سے اموات ہوئی ہیں۔

خیال رہے کہ اسرائیل میں کورونا ٹیکہ کاری کے باوجود بھی کورونا وائرس کے کیسز میں تیزی دیکھی گئی ہے اور اس وقت اسرائیل میں تیسرا لاک ڈاؤن جاری ہے۔