Drones in Civilian Airspace: اسرائیل نے شہری فضائی حدود میں ڈرون کی اجازت دی

اسرائیلی ٹرانسپورٹ اور روڈ سیفٹی کی وزیر میراو میکیلی نے کہا کہ مجھے فخر ہے کہ اسرائیل پہلا ملک بن گیا ہے جس نے زراعت، ماحولیات، جرائم کے خلاف لڑائی، عوام اور معیشت کے فائدے کے لیے شہری فضائی حدود میں ڈرون Drones in Civilian Airspace کی اجازت دی ہے۔

اسرائیل کی ٹرانسپورٹ اور روڈ سیفٹی کی وزارت نے شہری فضائی حدود میں کام کرنے کے لیے بغیر پائلٹ کی فضائی گاڑی (یو اے وی) کے لیے ملک کی پہلی سند کا اعلان کیا۔

اسرائیلی سول ایوی ایشن اتھارٹی نے بدھ کے روز ہرمیز اسٹار لائنر کے بغیر پائلٹ کے سسٹم کو سرٹیفکیشن جاری کیا، جسے اسرائیلی دفاعی الیکٹرانکس کمپنی ایلبٹ سسٹمز نے تیار کیا ہے۔ Drones in Civilian Airspace

اسرائیلی ٹرانسپورٹ اور روڈ سیفٹی کی وزیر میراو میکیلی نے کہا ’’مجھے فخر ہے کہ اسرائیل پہلا ملک بن گیا ہے جس نے زراعت، ماحولیات، جرائم کے خلاف لڑائی، عوام اور معیشت کے فائدے کے لیے یو اے وی کو کام کرنے کی اجازت دی ہے‘‘۔

اس تجویز کی منظوری سے ایلبٹ کے ڈرون کو شہری فضائی حدود تک محدود رہنے کے بجائے کسی بھی دیگر شہری طیارے کی طرح سویلین فضائی حدود میں پرواز کرنے کی اجازت ملے گی۔

واضح رہے کہ ہرمیز اسٹار لائنر جس کے پروں کا پھیلاؤ 17 میٹر اور وزن 1.6 ٹن ہے۔ یہ تقریباً 7600 میٹر کی بلندی پر 36 گھنٹے تک پرواز کر سکتا ہے اور یہ 450 کلو گرام اضافی الیکٹرو آپٹیکل، تھرمل، ریڈار اور دیگر پے لوڈ لے جانے کا اہل ہوگا۔

یہ سرحدی سلامتی اور انسداد دہشت گردی آپریشنز میں کارآمد ثابت ہوگا۔ یہ بڑے پیمانے پر عوامی تقریبات میں شرکت کرنے، میری ٹائم سرچ اینڈ ریسکیو، کمرشل ایوی ایشن اور ماحولیاتی نگرانی کے مشن کے ساتھ ساتھ زرعی کاموں کے لئے بھی اہل ہوگا۔

یو این آئی