ETV Bharat Urdu

اردو

urdu

ETV Bharat / international

بغداد ایئرپورٹ کے قریب راکٹ حملہ - کتیوشا راکٹ سے حملے کیا گیا۔

یہ حملہ وزیر اعظم مصطفیٰ الکاظمی کے لئے ایک اہم چیلنج ثابت ہو رہا ہے ، کیونکہ ان کی حکومت نے ملیشیا گروپوں کے خلاف کارروائی کرنے کا وعدہ کیا ہے۔

بغداد ایئرپورٹ کے قریب راکٹ حملہ
بغداد ایئرپورٹ کے قریب راکٹ حملہ
author img

By

Published : Jun 23, 2020, 8:43 AM IST

عراق کے دارالحکومت بغداد ایئرپورٹ کے قریب ایک کتیوشا راکٹ سے حملہ کیا گیا۔ تاہم اس دوران کوئی جانی تقصان ہونے کی اطلاع نہیں ہے۔ لیکن اس حملہ وزیراعظم الکاظمی کے لیے ایک چینلج قرار دیا جارہا ہے۔

in article image
بغداد ایئرپورٹ کے قریب راکٹ حملہ

واضح رہے کہ رواں ماہ کے شروع میں عراق کے ساتھ امریکہ کی بات چیت کا آغاز کرنے کے بعد اس ملک میں امریکی موجودگی کو نشانہ بنانے والے راکٹ حملوں کا یہ سب سے حالیہ واقعہ ہے۔

فوجی بیان کے مطابق ، یہ راکٹ ابو غریب ضلع کے قریب دارالحکومت کے مغرب کے ایک گاؤں سے داغا گیا تھا حالانکہ اس حملہ میں کوئی جانی نقصان نہیں ہوا ہے۔

یاد رہے کہ ہوائی اڈے سے متصل ایک فوجی اڈے میں امریکی زیرقیادت فوجی اتحاد موجود ہے۔

عراقی سکیورٹی کے دو عہدیداروں نے نام ظاہر نہ کرنے کی شرط پر بتایا کہ راکٹ اڈے سے بہت دور گر گیا۔

واضح رہے کہ 11 جون کو واشنگٹن اور بغداد کے درمیان اسٹریٹجک مذاکرات شروع کرنے کے بعد عراق میں امریکی موجودگی کو نشانہ بنانے کا یہ چوتھا حملہ ہے۔

یہ حملے وزیر اعظم مصطفیٰ الکاظمی کے لئے ایک اہم چیلنج ثابت ہو رہے ہیں ، جن کی حکومت نے ملیشیا گروپوں کے خلاف کارروائی کرنے کا عندیہ ظاہر کیا ہے۔

امریکہ نے اس حملے کا ایران کی حمایت یافتہ ملیشیا گروپوں پر الزام عائد کیا ہے۔

ABOUT THE AUTHOR

...view details