ایران میں کورونا انفیکشن کے تیزی سے بڑھتے ہوئے کیسز کے درمیان گذشتہ 24 گھنٹوں کے دوران کووڈ 19 کے 15،294 نئے کیسز سامنے آئے ہیں، جس سے ملک میں متاثرہ افراد کی تعداد بڑھ کر 55 لاکھ آٹھ ہزار 885 ہوگئی۔
ایران کی وزارت صحت نے بتایا کہ گزشتہ 24 گھنٹوں میں 284 افراد ہلاک ہوئے جس کے بعد اس وبا سے ہلاک ہونے والوں کی تعداد بڑھ کر 1،18،792 ہو گئی ہے۔
وزارت کے مطابق ملک بھر میں کل 48 لاکھ 97 ہزار 876 افراد صحت یاب ہوچکے ہیں یا انہیں اسپتالوں سے فارغ کردیا گیا ہے، جبکہ 6،502 افراد انتہائی نگہداشت یونٹوں میں داخل ہیں۔