سعودی وزارت اطلاعات کے مشیر نے پیر کو ایک بیان میں کہا ہے کہ ان تصاویر کو لینے میں 7 گھنٹے لگے ہیں اور یہ تصاویر 49،000 میگا پکسلز تک کی ہیں۔
انہوں نے کہا کہ چونکہ بلیک اسٹون "جنت کا ٹکڑا ہے اور پہلی مرتبہ ہائی ریزولوشن کی تصاویر اس بات کی عکاسی کرتی ہیں کہ جنت کس قدر خوبصورت ہوگی".
حجر اسود خانہ کعبہ کے مشرقی کونے میں واقع ہے اور یہ دیکھنے میں بالکل سالم لگتا ہے، جسے چاندی کے خول میں لگایا گیا ہے، لیکن یہ در حقیقت آٹھ چھوٹے پتھروں پر مشتمل ہے، جن کو عربی لوبان (درختوں سے حاصل ہونے والے بروزہ) سے آپس میں جوڑا گیا ہے۔
حجر اسود اور مقام ابراہیم کی نایاب تصاویر کا اجرا سب سے چھوٹا پتھر ایک سینٹی میٹر سے بڑا نہیں ہے، جبکہ سب سے بڑا پتھر 2 سینٹی میٹر سے زیادہ نہیں ہے۔ خالص چاندی سے بنی ہوئی بیرونی خول صرف مقدس پتھر کے تحفظ کا کام کرتی ہے۔
غورطلب ہے کہ یہ پتھر مسجد کے مشرقی حصے میں موجود ہے اور اس کے چارو طرف چاندی کا حصار بنا ہوا ہے۔
سفر حج پر جانے والوں خانہ کعبہ کا طواف کرنے والوں پر اس پتھر کا بوسہ لینا لازمی ہے، لیکن بھیڑ کی وجہ سے اسے اشاروں سے بھی چوما جا سکتا ہے۔
رئاسة شؤون الحرمين کی جانب سے حجر اسود کے علاوہ مقام ابراہیم کے اندر کی تصاویر جاری کی گئی ہیں۔ ان تصاویر حضرت ابراہیم کے قدموں کے نشانات کو فوٹو امیجنگ ٹیکنالوجی کے ذریعہ باریکی بینی سے دکھایا گیا ہے۔
ان تصاویر کو لینے سے قبل مقام ابراہیم کی اچھی طرح سے صفائی کی گئی اور کئی گھنٹوں کی مشقت اور محنت کے بعد حاصل کردہ تصاویر کو جاری کیا گیا ہے۔
رئاسة شؤون الحرمين نے ٹویٹر کے ذریعہ جانکاری دی ہے کہ پتھر پر موجود قدموں کے نشانات کی لمبائی اور چوڑائی 50 سنٹی میٹر ہے۔
مقام ابراہیم وہ مقام ہے، جہاں حضرت ابراہیم نے پتھر پر کھڑے ہوکر خانہ کعبہ کی تعمیر کی تھی اور اس پتھر پر ان کے قدموں کے نشانات موجود ہیں۔
