عازمینِ حج آجسے مناسکِ حج کی ادائیگی کا آغازکریں گے، حج کا سب سے اہم رکنِ اعظم وقوفِ عرفہ پیر کو ہوگا۔
تفصیلات کے مطابق سعودی عرب میں حج کی تیاریاں مکمل کرلی گئیں ہیں، عازمینِ مکہ پہنچ چکے ہیں، مشائرِ مقدسہ میں کورونا کے باعث سینیٹائزیشن کا خاص اہتمام کیا گیا ہے۔
مناسکِحج کی ادائیگی کا آج سے آغازہوجائے گا، پیر کو وقوفِ عرفہ ہے اور مسجدِ نمرہ میں خطبۂ حج دیا جائے گا۔ مسجدِ الحرام میں نماز کے اجازت نامے جمعہ سے ہی بند کردیئے گئے ہیں، صرف حج کے اجازت نامے رکھنے والوں کو ہی حرم میں داخلے کی اجازت ہے۔
سعودی عرب نے امسال فریضۂ مقدسہ کی ادائیگی کے لیے خصوصی طور پر حج اسمارٹ کارڈ (شعائر) کا اجراء کیا ہے۔
واضح رہے کہ کورونا وائرس کی وجہ سے محدود عازمین کو حج کی اجازت دی گئی ہے، مملکت میں مقیم ساٹھ ہزار عازمین ہیحج کی سعادت حاصل کرسکیں گے، اس دوران مسجدِ الحرام سے میدانِ عرفات اور مزدلفہ کے لیے پیدل سفر کی اجازت نہیں ہوگی، عازمین کو مخصوص بسوں کے ذریعے ہی جانا ہوگا۔
یہ بھی پڑھیں:روبوٹ کی مدد سے مسجد حرام اور مسجد نبوی میں آب زم زم تقسیم
یاد رہے کہ رواں سال میدانِ عرفات سے حج کا خطبہ شیخ عبداللہ المنیع دیں گے جب کہ خطبہ حج کو اردو سمیت دس زبانوں میں پیش کیا جائے گا۔
