کشیدگی ختم کرنے کے لیے جرمن وزیرخارجہ آج اسرائیل جائیں گے

جرمن وزیر خارجہ ہیکو ماس اسرائیل فلسطین کشیدگی کے خاتمہ کے لئے آج اسرائیل کا دورہ کریں گے اس دوران وہ فلسطین کے وزیر اعظم محمد اشتية سے بھی ملاقات کریں گے۔

برلن: اسرائیل فلسطین کشیدگی کے خاتمہ کے لئے جرمن وزیر خارجہ ہیکو ماس آج اسرائیل جائیں گے۔ وہ فلسطینی وزیر اعظم محمد اشتية سے ملنے رملہ بھی جائیں گے۔

دوسری جانب سعودی وزیر خارجہ شہزادہ فیصل بن فرحان نے برطانوی ہم منصب ڈومینک راب سے لندن میں ملاقات کی، جس میں فلسطین کی صورتحال پر تبادلہ خیال کیا گیا۔

اس کے علاوہ مظلوم فلسطینیوں کے لئے اقوام متحدہ میں آواز بلند کرنے پاکستان، ترکی، سوڈان اور فلسطین کے وزرائے خارجہ ایک ساتھ ترکی سے نیویارک پہنچ گئے ہیں، تیونس کے وزیر خارجہ بھی اس قافلے میں شامل ہیں۔