مصر میں اخوان المسلمون کے 10 رہنماؤں کی عمر قید کی سزا برقرار

اخوان المسلمون کے رہنماؤں کو مصر میں سنہ 2011 میں ہونے والی بغاوت کے دوران پولیس اہلکاروں کے قتل اور جیل توڑنے کے معاملے میں قصوروار قرار دیا گیا تھا۔

مصری سپریم کورٹ نے کالعدم اخوان المسلمون کے 10 رہنماؤں کی عمر قید کی سزا کو برقرار رکھا ہے۔

الجزیرہ کی اطلاع کے مطابق سپریم کورٹ نے پیر کو اپنے فیصلے میں نچلی عدالت کی جانب سے اخوان المسلمین کے سربراہ محمد بدیع سمیت 10 رہنماؤں کو دی گئی عمر قید کی سزا کو برقرار رکھا ہے۔

واضح رہے کہ اخوان المسلمون کے رہنماؤں کو مصر میں سنہ 2011 میں ہونے والی بغاوت کے دوران پولیس اہلکاروں کے قتل اور بڑے پیمانے پر جیل توڑنے کا مجرم قرار دیا گیا تھا۔

(یو این آئی)