عراق کے کردستان کے دو صوبوں میں کرفیو نافذ

احتجاج کے دوران کرد کی مختلف سیاسی پارٹیوں کے دفاتر کو نذر آتش کردیا گیا ہے۔

عراقی کردستان کی حکومت نے خطے میں جاری مظاہروں کے دوران منگل کے روز سلیمانیہ اور حلبجہ صوبوں میں کرفیو نافذ کردیا ہے۔

یہ کرفیو بدھ سے تین راتوں کے لئے لگایا گیا ہے۔ حکومت نے یہ فیصلہ لاء اینڈ آرڈر برقرار رکھنے کے لئے کیا ہے۔ سرکاری ملازمین کی تنخواہوں میں تاخیر کی وجہ سے کرد کے مختلف علاقوں میں مظاہرے کئے جارہے ہیں۔

احتجاج کے دوران کرد کی مختلف سیاسی پارٹیوں کے دفاتر کو نذر آتش کردیا گیا ہے۔

واضح رہے کہ گزشتہ اپریل میں عراقی حکومت سے ادائیگی ختم ہونے کے بعد علاقائی حکام کو مالی بحران کا سامنا کرنا پڑ رہاہے۔

(یو این آئی)