افغانستان میں گذشتہ 48 گھنٹوں کے دوران طالبان کے خلاف افغان نیشنل ڈیفنس اینڈ سکیورٹی فورس (اے ڈی ایس ایف) کی سلسلہ وار کارروائی میں 172طالبان ہلاک ہوگئے ہیں۔ یہ اطلاع افغان وزارت دفاع نے دی۔
افغان فوج کے مطابق ننگرہار، قندھار، فریاب، نیمروز، بدخشان اور تخار صوبوں میں اے آر ایس ایف کے ذریعے شروع کیے گئے آپریشن میں 172 طالبان ہلاک اور 100 سے زائد زخمی ہوگئے۔ ہلاک ہونے والوں میں طالبان گروپ کا ایک کمانڈر قاری رحمت اللہ بھی شامل تھا۔