اسرائیل کے دو اسکولز میں 45 طلبا کورونا سے متاثر

اسرائیلی شہر بنیامین کے دو اسکولوں کے 45 طلبا مہلک ترین کورونا وائرس سے متاثر پائے گئے ہیں۔ وزارت صحت کے مطابق ہلاکت خیز کورونا وائرس سے ایک پرائمری اسکول اور ایک مڈل اسکول متاثر ہوا ہے جہاں مجموعی طور پر 45 طلبا کورونا وائرس سے متاثر پائے گئے ہیں یہ انکشاف بڑے پیمانے پر جانچ مہم کے دوران ہوا جس کا آغاز مڈل اسکول کے ایک طالب علم کے مثبت ٹیسٹ آنے کے بعد ہوا۔

وزارت کے مطابق وبا پھیلنے کا ذریعہ ایک ایسے کنبہ سے ہوا ہے جو حال ہی میں بیرون ملک سے واپس آیا تھا۔

اسرائیل نے 6 جون کو کووڈ 19 وبائی بیماری کے خلاف 12 سے 15 سال کی عمر کے نوعمروں کو حفاظتی ٹیکہ لگانا شروع کر دیا ہے۔ اس سے قبل صرف 16 سال یا اس سے زیادہ عمر کے افراد کو ویکسین لگائی جارہی تھی۔

اسرائیل میں تقریبا 54 لاکھ افراد کو کورونا کے ٹیکے لگائے گئے ہیں جو مجموعی آبادی کا 58.9 فیصد ہے۔

ہفتے کے روز اسرائیل میں کووڈ 19 کے 60 نئے کیسز درج کیے گئے ہیں، جس سے ملک میں متاثرہ افراد کی تعداد 839،829 ہوگئی جبکہ ہلاکتوں کی تعداد 6،427 ہے۔

ژنہوا،اظ