ایران میں کورونا سے مزید 144 ہلاکتیں

ایران میں عالمی وبا کورونا وائرس (کووڈ۔19) سے گزشتہ 24 گھنٹوں میں 144 لوگوں کی موت ہو گئی ہے اور اس کے ساتھ ہی اس وبا سے مرنے والوں کی تعداد بڑھ کر 2378 ہوگئی ہے۔

ایران کے وزارت صحت کے افسر کیانوش جہانپور نے جمعہ کو بتایا کہ ملک میں گزشتہ چوبیس گھنٹوں کے دوران اس جان لیوا وبا کے 2926 نئے معاملے سامنے آئے ہیں جس سے متاثروں کی تعداد بڑھ کر 32332 ہوگئی ہے۔ ملک میں اب تک اس وبا سے 11133 لوگ علاج کے بعد صحت مند ہوگئے ہیں۔

ایران نے جمعہ کو ایک ہفتہ کے لئے 'سوشل ڈسٹنسنگ' منصوبہ کا نفاذ کیا اور کہا ہے کہ اگرافسران کو ضرورت محسوس ہوئی تو اس کی مدت بڑھائی جا سکتی ہے، اس منصوبہ کے تحت ایک شہر سے دوسرے شہر کے سفر پر پابندی، پبلک مقامات جیسے پارک، سوئمنگ پل اور تفریحی مقامات کو بند کرنے، جلسہ گاہوں پر پابندی اور سول سرونٹ کے کام کے اوقات میں کمی جیسی پابندی شامل ہے۔