دنیا بھر میں کورونا سے سوا پانچ لاکھ اموات

عالمی وبا کورونا وائرس (کووڈ ۔19) کے پھیلاؤ میں مسلسل اضافہ ہورہا ہے اور متاثرہ افراد کی تعداد دنیا بھر میں ایک کروڑ آٹھ لاکھ سے تجاوز کرچکی ہے جبکہ اس سے مرنے والوں کی تعداد 5 لاکھ 20 ہزار سے زیادہ ہوگئی ہے۔

امریکہ کی جان ہاپکنز یونیورسٹی کے سینٹر فار سائنس اینڈ انجینئرنگ (سی ایس ایس ای) کے جاری کردہ تازہ ترین اعدادوشمار کے مطابق، دنیا بھر میں کورونا متاثرین کی تعداد 1 کروڑ 8 لاکھ 36 ہزار 500 ہوگئی ہے جبکہ 5 لاکھ 20 ہزار 781 افراد اب تک ہلاک ہو چکے ہیں، کووڈ ۔19 کے معاملے میں امریکہ دنیا بھر میں پہلے، برازیل دوسرے اور روس تیسرے نمبر پر ہے۔ دوسری طرف اس وبا کی وجہ سے اموات کے کے لحاظ سے امریکہ پہلے، برازیل دوسرے اور برطانیہ تیسرے مقام پر ہے۔

بھارت میں گذشتہ 24 گھنٹوں کے دوران کورونا انفیکشن کے 20 ہزار 903 نئے کیس سامنے آئے ہیں اور اب متاثرین کی مجموعی تعداد 6 لاکھ 25 ہزار 544 ہوگئی ہے۔ اسی عرصے کے دوران کورونا وائرس سے 379 اموات ہونے سے مرنے والوں کی تعداد بڑھ کر 18 ہزار 213 ہوگئی ہے۔ اس وقت ملک میں کورونا کے 2 لاکلھ 27 ہزار 439 فعال معاملے ہیں اور اب تک 3 لاکھ 79 ہزار 892 افراد اس وبا سے شفایاب ہوئے ہیں۔ انفیکشن کے معاملے میں ہندوستان دنیا کے سب سے زیادہ متاثرہ ممالک کی فہرست میں چوتھے نمبر پر ہے۔

دنیا میں سپر پاور مانے جانے والے امریکہ میں اب تک 27 لاکھ 39 ہزار 92 افراد کورونا سے متاثر اور 1 لاکھ 28 ہزار 742 افراد ہلاک ہوچکے ہیں۔ برازیل میں اب تک 14 لاکھ 96 ہزار 858 افراد اس کی زد میں آئے ہیں جبکہ 61 زہار 884 ہلاک ہو چکے ہیں۔

روس میں بھی کووڈ 19 وباتھمنے کا نام نہیں لے رہی ہے اور اب تک 6 لاکھ 60 ہزار 231 افراد اس انفیکشن سے متاثر اور 9 ہزار 668 افراد اپنی جان سے ہاتھ دھو بیٹھے ہیں۔ پیرو میں صورتحال مزید خراب ہوتی جارہی ہے ، وہ اس فہرست میں پانچویں نمبر پر پہنچ گیا ہے، جہاں متاثرہ افراد کی تعداد 2 لاکھ 92 ہزار 004 ہوگئی ہے اور 10045 افراد ہلاک ہوچکے ہیں۔

اس انفیکشن کی وجہ سے برطانیہ میں صورتحال مزید خراب ہوتی جارہی ہے۔ اب تک 2 لاکھ 85 ہزار 268 افراد اس وبا سے متاثر ہوچکے ہیں اور 44 ہزار80 افراد کی موت ہو چکی ہے۔

چلی انفیکشن کے معاملے میں دنیا میں ساتویں نمبر پر ہے۔ اب تک 2 لاکھ 84 ہزار 541 افراد کورونا وائرس سے متاثر ہوچکے ہیں اور مرنے والوں کی تعداد 5 ہزار 920 ہے۔

دنیا بھر میں کورونا سے سوا پانچ لاکھ اموات

آٹھویں مقام پر اسپین میں اب تک 2 لاکھ 50 ہزار 103 افراد اس بیماری کا شکار ہوچکے ہیں جبکہ 28 ہزار 368 افراد لقمہ اجل بن چکے ہیں۔ یوروپی ملک اٹلی میں اس وبا نے بہت تباہی مچائی ہے۔ اب تک 2 لاکھ 40 ہزار 961 افراد کووڈ ۔19 سے متاثر ہوئے ہیں اور 34 ہزار 818 افراد ہلاک ہوچکے ہیں۔

میکسیکو نے کورونا انفیکشن کے معاملے میں ایران کو پیچھے چھوڑ دیا ہے اور یہاں متاثرہ افراد کی تعداد 2 لاکھ 38 ہزار 511 تک جا پہنچی ہے اور اس وائرس کی وجہ سے 29 ہزار 189 افراد ہلاک ہوچکے ہیں۔

خلیجی ملک ایران میں جو کورونا وائرس سے شدید متاثر ہے، متاثرہ افراد کی تعداد 2 لاکھ 32 ہزار 863 ہوگئی ہے اور اس کی وجہ سے 11 ہزار 106 افراد لقمہ اجل بن چکے ہیں۔

پڑوسی ملک پاکستان میں کورونا متاثرین کی تعداد دو لاکھ سے تجاوز کر گئی ہے۔ اب تک یہاں 2 لاکھ 17 ہزار 809 افراد اس سے متاثر ہوچکے ہیں اور 4473 افراد داعی اجل کو لبیک کہہ چکے ہیں۔ یوروپی ملک فرانس میں، کورونا وائرس کی وجہ سے صورتحال بہت خراب ہے۔ فرانس میں اب تک 2 لاکھ 36 ہزار 40 افراد متاثر ہوئے ہیں اور 29 ہزار 878 افراد لقمہ اجل بن چکے ہیں۔ ترکی میں کورونا متاثرین کی تعداد بڑھ کر 2 لاکھ 22 ہزار 84 ہوگئی ہے اور 5 ہزار 167 افراد ہلاک ہوگئے ہیں۔ سعودی عرب میں 1 لاکھ 97 ہزار 608 متاثر اور 1 ہزار 752 افراد لقمہ اجل بن چکے ہیں۔ جرمنی میں 1 لاکھ 96 ہزار 370 افراد متاثر ہوئے ہیں اور 9 ہزار چھ افراد لقمہ اجل بن چکے ہیں۔

کورونا وائرس کی جائے پیدائش سمجھے جانے والے چین میں اب تک 84 ہزار 830 افراد متاثر ہوئے ہیں اور 4 ہزار 641 افراد فوت ہوچکے ہیں۔

کورونا وائرس نے بیلجیم میں 9 ہزار 761، کناڈا میں 8 ہزار 700، نیدرلینڈ میں 6 ہزار 132، سویڈن میں 5 ہزار 411، ایکواڈور میں 4 ہزار 639، سوئزرلینڈ میں 1 ہزار 965، آئرلینڈ میں 1 ہزار 738 اور پرتگال میں 1 ہزار 587 افراد ہلاک ہوئے ہیں۔