برطانیہ: ویسٹ سسیکس کےکالج میں حملہ، 2 ملازمین زخمی

برطانیہ کی کاؤنٹی ویسٹ سسیکس کے ایک کالج میں ایک 18 سالہ مسلح حملہ آور نے فائرنگ کی جس نتیجے میں بھگدڑ مچ گئی اور کالج کے اساتذہ مظاہرہ کرتے ہوئے حملہ آور کو آگے بڑھنے سے روک دیا۔

برطانیہ کی کاؤنٹی ویسٹ سسیکس کے ایک کالج میں ایک 18 سالہ مسلح حملہ آور نے فائرنگ اور چاقو سے حملہ کیا جس کے نتیجے میں کالج کے دو ملازمین زخمی ہوگئے۔

عینی شاہدین کے مطابق فائرنگ کے بعد بھگدڑ مچ گئی، کالج ٹیچر نے بہادری کا مظاہرہ کرتے ہوئے حملہ آور کو آگے بڑھنے سے روک دیا۔

پولیس بھی وقت پر آگئی تھی اور ملزم کو گرفتار کرلیا۔ پولیس کا کہنا ہے ملزم سے تفتیش کی جارہی ہے۔

پولیس کی جانب سے ابھی تک تفصیلات واضح نہیں کی گئی ہیں کہ نوجوان نے حملہ کیوں اور کس مقصد سے کیا تھا۔