یوکرینی وزیر خارجہ دیمیترو کولیبا کا کہنا ہے کہ یوکرین روس کے ساتھ بات چیت پر رضامند تو ہوگیا ہے لیکن میں یہ واضح کر دینا چاہتا ہوں ہم اپنی سرزمین کا ایک انچ بھی نہیں چھوڑیں گے"۔Russia Attacks Ukraine
کولیبا نے ایک لائیو ویڈیو خطاب میں کہا "ہم وہاں مذاکرات میں یہ سننے کے لیے جارہے ہیں کہ روس کیا کہنا چاہتا ہے؟ ہم بغیر کسی ابتدائی معاہدے کے جا رہے ہیں کہ ان مذاکرات کا کیا نتیجہ نکل سکتا ہے۔ ہم وہاں جا رہے ہیں سننے اور یہ کہنے کے لیے کہ ہم اس جنگ اور روس کے اقدامات کے بارے میں کیا سوچتے ہیں‘‘۔
یہ بھی پڑھیں: Russia Ukraine War: یوکرین بیلاروس کی سرحد پر روس کے ساتھ مذاکرات کرنے پر راضی
انہوں نے مزید کہا کہ "اب مذاکرات کے لیے جب بات چیت مکمل ہو گئی ہے تو بیلا روسی صدر لوکاشینکو نے صدر زیلنسکی کو یقین دلایا کہ بیلاروس کی کوئی فوجی طاقت یوکرین کے خلاف استعمال نہیں کی جائے گی۔"
انھوں نے یہ بھی کہا کہ "ہم صرف امید کر سکتے ہیں کہ لوکاشینکو اپنے قول پر قائم رہے گا، اب جب یہ مذاکرات ہونگے اور اگر روسی افواج نے اپنی جارحانہ کارروائیاں جاری رکھنے کی کوشش کی تو اسے شکست دینے کے لیے ہم اپنے ملک کا بھرپور دفاع کرتے رہیں گے۔
یہ بھی پڑھیں: Russia Ukraine War: یوکرینی وزیرخارجہ کا ٹویٹ، ہٹلر کو شکست دی ہے، پوتن کو بھی شکست دیں گے
انھوں نے یہ بھی کہا کہ "ہم ان کو ان علاقوں میں شکست دینا جاری رکھیں گے جنہیں انہوں نے اپنے کنٹرول میں لے لیا ہے، ہم اس وقت تک نہیں رکیں گے، جب تک کہ ہم اپنے ملک کا مکمل دفاع نہ کریں۔ لہٰذا ایسی بات کرنے میں کوئی برائی نہیں ہے اور اگر ان مذاکرات کا نتیجہ امن ہے تو اس کا خیر مقدم کیا جانا چاہیے۔ لیکن ہم ایسا نہیں کریں گے، اور میں یہ واضح کرنا چاہتا ہوں، ہم اپنے علاقے کا ایک انچ بھی نہیں چھوڑیں گے۔"
انھوں نے ایک ٹیوٹ میں کہا کہ یوکرین میں اب جو کچھ ہو رہا ہے وہ ایک حقیقی عوامی جنگ ہے۔ ہم نہیں گریں گے۔ ہم نہ رکیں گے اور نہ ہی تھکیں گے۔ جب تک ہماری سرزمین اور اپنے لوگوں کے دفاع کے لیے ضرورت پڑے ہم بھرپور جوابی جنگ لڑنے کے لیے پرعزم ہیں۔
