عالمی وبا کورونا وائرس نے دنیا بھر میں جہاں تباہی مچا رکھی ہے۔ وہیں، عالمی ادارہ صحت نے خبردار کرتے ہوئے کہا ہے کہ بدترین وبا تو ابھی آنا باقی ہے اور ہمیں عالمی سطح پر اس کے تیاری کے لیے سنجیدہ ہونا چاہیے۔
عالمی ادارہ صحت کے شعبہ ایمرجنسی کے سربراہ مائیکل ریان نے کہا کہ ’کورونا کی وبا خواب غفلت سے جگانے کی کال ہے‘۔
خیال رہے کہ ایک برس کے عرصے میں دنیا بھر میں کورونا کے نتیجے میں 18 لاکھ کے قریب ہلاکتیں ہوچکی ہیں جبکہ 8 کروڑ سے زیادہ کیسز کی تصدیق ہوئی ہے۔
مائک ریان نے تسلیم کیا ہے کہ یہ وبا بہت سنگین ہے، یہ دنیا بھر میں بہت تیزی سے پھیل رہا ہے۔ ہمیں مستقبل میں اس سے بھی زیادہ سنگین وبا کے لیے تیار رہنے کی ضرورت ہے۔
یہ بھی پڑھیں: ارجنٹینا میں 'اسقاط حمل' بل منظور
عالمی ادارہ صحت کے سینئر مشیر بروس آئلورڈ نے بھی خبردار کیا ہے اور کہا کہ دنیا اس بحران سے نمٹنے کے لیے بہت کوشش کر رہی ہے، لیکن یہ مستقبل کی وبائی امراض کو روکنے کے کافی نہیں ہے۔
انہوں نے کہا کہ 'ہم اس وائرس کی دوسری اور تیسری لہروں میں ہیں اور ہم اس سے نمٹنے اور اس کا انتظام کرنے کے لیے ابھی بھی تیار نہیں ہیں۔
