انٹونیو گوٹریس نے مالی میں اقوام متحدہ کے امن دستوں پر حملے کی مذمت کی

اقوام متحدہ کے سکریٹری جنرل کے ترجمان اسٹیفن دوجارک نے بتایا ہے کہ انٹونیو گوٹریس نے اقوام متحدہ کے امن دستوں پر حملے کو بین الاقوامی قانون کے تحت جنگی جرم قرار دیا ہے۔ انٹونیو گوٹریس نے متاثرہ خاندان کے ساتھ ساتھ مصری حکومت اور رہائشیوں سے دلی تعزیت کا بھی اظہار کیا ہے۔

اقوام متحدہ کے سکریٹری جنرل انٹونیو گوٹریس نے ہفتہ کو مالی کے کدال علاقے میں ٹیسالت کے قریب ایک طاقتور بم دھماکے کی شدید مذمت کی ہے۔ جس میں مصر کے اقوام متحدہ کا امن فوجی ہلاک اور تین دیگر شدید زخمی ہوگئے ہیں۔

اقوام متحدہ کے سکریٹری جنرل کے ترجمان اسٹیفن دوجارک نے بتایا ہے کہ انٹونیو گوٹریس نے متاثرہ خاندان کے ساتھ ساتھ مصری حکومت اور رہائشیوں سے دلی تعزیت کا اظہار کیا ہے۔ انہوں نے زخمیوں کی جلد صحت یابی کی دعا بھی کی۔

انہوں نے بتایاکہ اقوام متحدہ کے امن دستوں پر حملے بین الاقوامی قانون کے تحت جنگی جرم ہیں۔ انہوں نے مالی حکام سے مطالبہ کیا کہ وہ ان حملوں کے ذمہ داروں کو پکڑنے میں کوئی کسر نہ چھوڑیں تاکہ انہیں جلد از جلد سزا دی جا سکے۔

گوٹریس نے بتایا کہ اقوام متحدہ مالی کے لوگوں اور وہاں کی حکومت کے ساتھ ہے۔

واضح رہے مالی میں آئی ای ڈی کے دھماکہ ہونے کی وجہ سے اقوام متحدہ کا ایک امن مندوب کی موت ہو گئی اور دیگر تین زخمی ہوگئے تھے۔

اقوام متحدہ کے مشن کے سربراہ ای ایل -گاسِم وانے نے ٹویٹ کیا کہ اقوام متحدہ کے انٹیگریٹڈ اسٹیبلائزیشن مشن (ایم آئی یو ایس ایم اے) کی ایک گاڑی کِدَل کے علاقے میں ٹیسالِت کے قریب آئی ای ڈی کی زد میں آگئی جس میں ایک امن مندوب کی موت ہو گئی اور دیگر تین شدید زخمی ہوئے۔

قابل ذکر ہے کہ 11 ستمبر کو شمالی مالی میں اقوام متحدہ کے مشن کو نشانہ بنا کر کیے گئے کئی حملوں میں تین امن مندوب کِدل کیمپ کے پاس آئی ای ڈی دھماکے میں زخمی ہو گئے تھے۔